දොළොස් වතාවක් දළදාවට උර දුන් නැඳුන්ගමුවේ රාජා අද උදෑසන සදහටම දෙනෙත් පියාගත පුවත සමස්ථ ශ්රී ලාංකිකයන්ගේම දෙනෙත් මොහොතකට හෝ තෙත්කල බව නොරහසකි.මාළිගාවේ ඇත් පන්තියේ රාජකීය ලීලාවෙන් , දන්ත ධාතුව වැඩමවූ ඒ රාජකීය හස්තිරාජයා තව දුරටත් මහ පෙරහැරේ , මාළිගාවේ අපිට දකින්නට නොලැබේවී…
වසර හැත්තෑවකට වැඩි කාලයක් ආයු වලඳා සිටි නැඳුන්ගමුවේ රාජාගේ උපන් බිම ඉන්දියාවයි.පිළියන්දල නීලමහර වෙද පරපුරට අයත් හිමිනමක් වෙත රාජා පරිත්යාගයක් ලෙස ලැබුණේ ඉන්දියාවේ මයිසුර් ප්රාන්තයේ මහාරාජා කෙනෙකුගෙනි. මහාරාජාගේ ඥාතියෙකු මානසික රෝගියෙකු වී සිටියදී එය නිට්ටාවටම සුවපත් කළ වෙද හාමුදුරුවන්ට නැඳුන්ගමුවේ රාජාත්, නවම් රාජාත් ලැබිණි. පසුව මෙහි එක් අලි පැටවෙක් නැඳුන්ගමුවේ ධර්මවිජය වෙද රාලහාමි විසින් මිලට ගත් පසුව නැඳුන්ගමුවේ රාජා ලෙසත්, අනෙක් ඇත් පැටවා හුණුපිටිය ගංඟාරාමය විසින් මිලට ගත් පසු ‘‘නවම්රාජා’’ ලෙසත් නම් කරන ලදී.
නැඳුන්ගමුවේ රාජා වසරකට පාගමනින් ඇවිද ගිය කිලෝමීටර් ගණන දහසකට (1000) අධිකය.ඔහුත් සමගම තනි නොතනිය මැකූ “කළු මාමා”ත් ඒ දුරම පා ගමනින් යන අයුරු ඔබත් මමත් අනේකවාරයක් දැක ඇතුවාට සැකයක් නැතිය.විඩාපත් දෙපයට වඩා ශක්තිමත් හිතක් තිබූ කළු මාමා මේ වසර ගනනම රාජා අසලින් සෙලවුනේ නැති තරම්ය.නැඳුන්ගමුවේ රාජාත් කළු මාමා අසලින් සෙවනැල්ලක් මෙන් සිටි බව බොහෝ දෙනා පවසන කාරණාවකි.
උපන් සියල්ල නැසෙන බව බුද්ධ දේශනාවය.එයට ඔබටත් මටත් මෙන්ම නැඳුන්ගමුවේ රාජාටත් එකසේ පොදු වූ ධර්මතාවයකි.දොළොස් වසක් පූජනීය වන්දනීය දන්ත ධාතුව වැඩම වූ ඒ අපරිමිත පින් බෙල මහිමයෙන් මේ සසර ගමනින් අත් මිඳෙන්නට රාජාට හැකියාව ලැබේවා යැයි සියලු ශ්රී ලාංකිකයින් ප්රාර්ථාන කරන බව අපට නොරහසකි.
එතෙක් මෙතෙක් ඔබ රැස් කල පින් බලෙන් මතුයම් දිනෙක මෙතේ බුදුන් පාමුල නිවන් අවබෝධ කරගැනීමට ම නැඳුන්ගමුවේ රාජාට වාසනා වේවා…..ඒ ගොසිප් ලංකා නිව්ස් අපේ ප්රාර්ථනාවයි
