තනි පරිගණක යෙදවුමක් ඔස්සේ මහජනතාවට රජයේ සේවාවන් ලබා ගැනීමට හැකි වන පරිදි ‘රජයේ සුපර්ඇප්’ යෙදවුමක් (Government SuperApp) නිර්මාණය කිරීම අමාත්ය මණ්ඩල අනුමැතිය හිමිව තිබෙනවා.
එකිනෙකට වෙනස් පද්ධති, බහු‑සත්යාපන ක්රියාවලි සහ විවිධ රාජ්ය දෙපාර්තමේන්තු හරහා නැවත නැවත දත්ත ඇතුළු කිරීම් අවශ්ය වන රාජ්ය සේවා සැපයීම් සඳහා වර්තමානයේ පවතින එකිනෙකට වෙනස් වූ ප්රවේශයන් හේතුවෙන් පුරවැසියන්ට සැලකිය යුතු අපහසුතා ඇති වන බව නිරීක්ෂණය වී තිබෙනවා.
එමෙන්ම, එමඟින් වාර්ෂිකව රුපියල් මිලියන 500කට වැඩි ආර්ථික හානියක් සිදු වන බවයි ඇස්තමේන්තු කර ඇත්තේ.
ඒ, අනුව ශ්රී ලංකාවේ ඩිජිටල් ආර්ථික සැලැස්මට අනුකූලව පුරවැසියන්ට තනි පරිගණක යෙදවුමක් මඟින් රජයේ සේවාවන් සැපයීම සඳහා පුළුල් පරාසයක් ආවරණය වන ‘රජයේ සුපර්ඇප්’ යෙදවුම (Government SuperApp) සංවර්ධනය කිරීම උපායමාර්ගික ප්රමුඛතාවක් ලෙස හඳුනාගනු ලැබ තිබෙනවා.
සියලුම රාජ්ය සේවාවන් පොදු එක් පරිශීලක හිතකාමී ජංගම දුරකතන සහ වෙබ් යෙදවුමකට ඒකාබද්ධ කරමින්, ශ්රී ලංකාවේ මිලියන 14ක් වූ වයස අවුරුදු 18ට වැඩි පුරවැසියන්ට සහ වාර්ෂිකව පිවිසෙන්නන් මිලියන 2කට එක් අතුරු මුහුණතක් හරහා රාජ්ය සේවාවලට බාධාවකින් තොරව ප්රවේශ වීමට හැකියාව ලබාදෙන ඩිජිටල් වේදිකාවක් මෙම ව්යාපෘතිය මඟින් සකස් කරනු ඇති.
ඒ අනුව, ‘රජයේ සුපර්ඇප්’ (Government SuperApp) යෙදවුම ව්යාපෘතිය අදියර 02ක් යටතේ සම්පූර්ණ පිරිවැය රුපියල් මිලියන 500ක් භාවිතයෙන් 2025‑2026 කාලසීමාව තුළ ක්රියාත්මක කිරීම පිණිස ඩිජිටල් ආර්ථික අමාත්ය ජනාධිපති අනුර කුමාර දිසානායක ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙනවා.
