රාජ්‍ය සේවා හා පළාත් රාජ්‍ය සේවකයින් අද (12) අසනීප නිවාඩු වාර්තා කරමින් වෘත්තීය ක්‍රියාමාර්ගයක නිරත වනවා.
රුපියල් විසිදහසක වැටුප් වැඩිවීම ඇතුළු ඉල්ලීම් කිහිපයක් මුල්කරගනිමින් ඔවුන් මෙම වෘත්තීය ක්‍රියාමාර්ගයේ නිරත වන බවයි වාර්තා වුණේ.
හෙට (13) දිනය වනවිට සිය ඉල්ලීම් සඳහා සාධනීය ප්‍රතිචාරයක් නොලැබුණහොත් අසනීප නිවාඩු වාර්තා කිරීම එක දිනකින් අවසන් නොකරන බවයි රාජ්‍ය හා පළාත් රාජ්‍ය සේවා වෘත්තිය සමිති එකමුතුව පැවසුවේ.
