2025 නව අයවැය යෝජනා ඉදිරිපත් කරමින්; අවම මාසික මූලික වැටුප රුපියල් 24,250 සිට රුපියල් 40,000ක් දක්වා වැඩි කිරීමට තීරණය කර තිබෙනවා.
ඒ අනුව නව රාජ්‍ය සේවකයින්ගේ මූලික වැටුප රුපියල් 15,750කින් වැඩි වනු ඇති.
දැනට පවතින තාවකාලික අතුරු දීමනාව සහ විශේෂ දීමනාව මූලික වැටුපට ඒකාබද්ධ කරන අතර රුපියල් 8250ක ශුද්ධ වැඩිවීමක් මූලික අවම වැටුපට අදාලව සිදු කිරීමටයි යෝජනා කර ඇත්තේ.
රාජ්‍ය අංශයේ සේවකයිගේ වැටුප් වැඩිවීමට සමගාමී ව අධිකරණ සේවා, රාජ්‍ය සංස්ථා, ව්‍යවස්ථාපිත මණ්ඩල, විශ්වවිද්‍යාල කාර්‍යය මණ්ඩල සහ ත්‍රිවිධ හමුදා නිලධාරීන්ගේ වැටුපට මෙය අදාළ වනු ඇති.
මීට අමතරව රුපියල් 15750ක අවම මාසික වැටුප් වැඩිවිමට අමතරව වාර්ෂික වැටුප් වර්ධකයේ වටිනාකම සියයට 80කි ඉහළ නැංවීමට යෝජිතයි.
ඒ අනුව රුපියල් 250ක අවම වාර්ෂික වැටුප් වර්ධකය රුපියල් 450 දක්වා ඉහළ යනු ඇති.
රාජ්‍ය අංශයේ සියලුම සේවකයින්ගේ වාර්ෂික වැටුප් වර්ධකය එම ප්‍රතිශතයට ගැලපීමට ද යෝජිත වනවා.
මෙම වැටුප් වැඩිවීමේ සමස්ත ඇස්තමේන්තුගත වියදම රුපියල් බිලියන 325ක් වනු ඇතැයි අපේක්ෂා කෙරෙනවා.
