කාර්යාල ගතව සේවය කරන රජයේ සේවකයන් උදෑසන 8.30 සිට සවස 4.15 දක්වා කාර්යාලවල රැඳි සිටිමින් සිය රාජකාරි කටයුතු කිරීම අනිවාර්ය කරමින් චක්රලේකයක් නිකුත් කර තිබෙනවා.
අදාල චක්රලේකයේ වැඩි දුරටත් සඳහන් වන්නේ රාජකාරී කාලය තුළදී වෙනත් පෞද්ගලික කටයුතු සඳහා පිටව යාම නොකළ යුතු බවයි.
කාර්යාල ගතව සේවය කරන රජයේ සේවකයන් උදෑසන 8.30 සිට සවස 4.15 දක්වා කාර්යාලවල රැඳි සිටිමින් සිය රාජකාරි කිරීම අනිවාර්ය කරමින් රාජ්ය පරිපාලන, ස්වදේශ කටයුතු, පළාත් සභා පළාත් පාලන අමාත්යංශය මෙම චක්රලේඛය නිකුත් කර තිබෙනවා.
ඇතැම් රාජ්ය ආයතනවල නිලධාරින් සහ සේවකයන් අදාළ කාලසීමාව නොතකා පැමිණීම සහ පිටවීම සිදුකරන බවට නිරීක්ෂණය වීම මෙවැනි චක්රලේඛයක් නිකුත් කිරීමට හේතුවයි.
අදාළ චක්රලේඛයට අනුව රජයේ කාර්යාල මුදල් ගනුදෙනු සඳහා පස්වරු 3 දක්වා විවෘතව තැබිය යුතු වනවා.
ඊට අමතරව රාජකාරි කාලය තුළදී සිය කාර්යාල හැඳුනුම්පත පැලඳ සිටීම හා නිල ඇඳුම් දීමනා ලබන සියලුම රාජ්ය නිලධරයන් සිය නිල ඇඳුමින් සැරසී පැමිණීම අනිවාර්යයි.
මහජන දිනය ලෙස වෙන් කර ඇති සඳුදා දිනය තුළ සෑම රාජ්ය ආයතනයකම පහළ මට්ටමේ නිලධාරියාගේ සිට අමාත්යාංශ ලේකම්වරයා දක්වා වූ සෑම තරාතිරමකම නිලධාරීන් කාර්යාලයේ රැඳීසිටීමද නව චක්රලේඛය මගින් අනිවාර්ය කර තිබෙනවා.
එදිනට අසනීප හෝ නොවැළැක්විය හැකි කරුණක් වෙනුවෙන් හැර වෙනත් අවශ්යතා සඳහා නිවාඩු අනුමත නොකිරීමට ආයතන ප්රධානියා වගබලා ගත යුතුයි.
රාජකාරී කාලය තුළදී වෙනත් පෞද්ගලික කටයුතු සඳහා පිටව යෑම සඳහා අවසර හිමි වන්නේ නැහැ.
ආබාධිත සේවාලාභින්ට කාර්යාල වෙත ප්රවේශ වීම සඳහා අවශ්ය පහසුකම් සැපයීමට පියවර ගත යුතු බවද එම චක්රලේඛයේ වැඩිදුරටත් සඳහන්.
