ඉන්දීය ප්රීමියර් ලීගයේ ඊයේ (26) පැවති සයවැනි තරගය ජය ගන්නට කොල්කටා නයිට් රයිඩර්ස් කණ්ඩායම සමත් වුණා.
තරගයේ කාසියේ වාසිය දිනූ කොල්කටාවරුන් පළමු ව පන්දුවට පහරදීමට රාජස්ථාන් රෝයල්ස් වෙත ඇරයුම් කළා.
තරගය පැවැත්වුණේ ගුවහටි හි දියි.
පළමු ව පන්දුවට පහර දුන් රාජස්ථාන්වරුන් සිය පන්දුවාර 20 අවසානයේ දී කඩුලු 09ක් දැවී ලකුණු 151ක් ලබා ගත්තා.
Dhruv Jurel ලකුණු 33ක් ලබාගත් අතර යශස්වි ජයිස්වාල් ලකුණු 29ක් සහ පරාග් ලකුණු 25ක් ලබා ගැනීමට සමත් වුණා.
කඩුලු බිඳ දැමීමේ දී වෛභාව් අරෝරා, වරුන් චක්රවර්තී, මොඑන් අලී සහ හර්ෂිත රානා කඩුලු දෙක බැගින් බිඳ දැමූ අතර එක් කඩුල්ලක් අයිතිය ස්පෙන්සර් ජොන්සන් හට හිමි වුණා.
ජයග්රහණයට ලකුණු 152ක ඉලක්කයක් හඹා ගිය කොල්කටාවරුන් පන්දුවාර 17කුත් පන්දු 03ක් අවසානයේ කඩුලු 08කින් තරගය ජයගත්තේ ක්වින්ටන් ඩී කොක්ගෙන් නොදැවුණු ලකුණු 97ක් ද වාර්තා කරගනිමින්.
රගුවන්ෂි නොදැවී ලකුණු 22ක් ලබාගත්තා.
ශ්රී ලංකා ක්රීඩක වනිඳු හසරංග රාජස්ථාන්වරුන් වෙනුවෙන් ක්රීඩා කරන අතර ඔහු පමණක් ඊයේ දිනයේ දී එක් කඩුල්ලක් කොල්කටාවරුන්ගෙන් උදුරාගත්තා.
ඒ අනුව තරගයේ වීරයා සම්මානය කොල්කටා කණ්ඩායමේ ක්වින්ටන් ඩී කොක් විසින් දිනාගනු ලැබුවා.
