අලුත්ඔය – හතරැස් කොටුව පොලිස් මුරපොළ අසල සිදු වූ රිය අනතුරකින් පොලිස් රථ වාහන අංශයේ රාජකාරියේ නියුතු සැරයන්වරයෙකු ජීවිතක්ෂයට පත් වුණා.
අද (27) අලුයම මෙම අනතුර සිදුව ඇති බවයි වාර්තා වන්නේ.
මියගිය සැරයන්වරයා කාර් රථයක් සහ ලොරි රථයක් පරීක්ෂා කරමින් සිටියදී පසුපසින් පැමිණි ටිපර් රථයක් ලොරි රථයේ ගැටීම හේතුවෙන් කාර් රථයට සහ ලොරි රථයට හසු වී එම නිලධාරියා ජීවිතක්ෂයට පත් ව තිබෙනවා.
මෙලෙස මියගොස් ඇත්තේ කන්තලේ – භාතියගම ප්‍රදේශයේ පදිංචි අවුරුදු 56ක් වයසැති බණ්ඩාර සමරකෝන් නමැති පොලිස් සැරයන්වරයෙක්.
එම නිලධාරියා යුද්ධය කාලයේ දී පොලිස් විශේෂ කාර්‍යය බලකයා යටතේ ද සේවය කර තිබෙන බවත් වාර්තා වනවා.
මෙම අනතුරින් තවත් එක් පොලිස් නිලධාරියෙක් සහ කාර් රථයේ පැමිණි පිරිසක් තුවාල ලබා දඹුල්ල රෝහල වෙත ඇතුළත් කෙරුණා.
අනතුර සිදුකළ ටිපර් රථ රියදුරා මේ වනවිට අත් අඩංගුවට ගෙන ඇති බවයි වාර්තා වන්නේ.
සිදුවීම සම්බන්ධයෙන් හබරණ පොලිස් විමර්ශන ක්‍රියාත්මකයි.
