රාගම ප්රදේශයේ වෙළඳසැලක් තුළ දී කාන්තාවකට හිංසා කරමින් ඇගේ හිසකෙස් කැපීමේ සිද්ධියට අදාළව අත්අඩංගුවට ගැනුණු සැකකාරියන් අද (18) වැලිසර මහේස්ත්රාත් අධිකරණය වෙත ඉදිරිපත් කිරීමට නියමිත බව පොලිසිය පවසනවා.
මෙලෙස අත්අඩංගුවට ගැනුණු සැකකාරියන් අතර, ප්රධාන සැකකාරිය වයස අවුරුදු අවුරුදු 27ක් වන අතර, අනෙක් සැකකාරියන් අවුරුදු 20, 21, 22 සහ 23 යන වයස්වල පසුවනවා.
මොවුන් රාගම, රාජාංගනය, කඩවත, රාගම සහ ත්රිකුණාමලය චීනවරාය යන ප්රදේශවල පදිංචිකාරියන්.
රාගම ප්රදේශයේ වෙළඳසැළක් තුළදී සිදුකළ සොරකමක් සම්බන්ධයෙන් කාන්තාවකට හිංසා කරමින් ඇගේ හිසකෙස් කපන ආකාරය දැක්වෙන වීඩියෝවක් සමාජ මාධ්යයේ හුවමාරුවීමත් සමඟ සිද්ධිය පිළිබඳව පොලිසියේ අවදානය යොමුව සැකකාරියන් ඊයේ (17) දිනයේ අත්අඩංගුවට ගනු ලැබුවා.
රාගම පොලිසියෙන් මෙම සිද්ධිය සම්බන්ධයෙන් සිදුකළ විමසීමක දී සඳහන් කළේ අදාළ සිදුවීම අප්රේල් 07 වනදා සිදුව ඇති බවයි.
අදාළ සිදුවීමට මුහුණු පෑ කාන්තාවට එරෙහිව ද සිද්ධිය සිදුවූ කාලය තුළ වෙළඳසැල පාර්ශවයෙන් පැමිණිල්ලක් රාගම පොලිසියට සිදුකර ඇති බවයි වාර්තා වුණේ.
මෙම සිදුවීමට මුහුණ පෑ කාන්තාව මේ වනවිට රාගම ශික්ෂණ රෝහලේ ප්රතිකාර ලබන බව පොලිසිය වැඩිදුරටත් සඳහන් කළා.
