Rajapura Handi Oil
Rajapura Diabetic Powder

රන් මාලය කොල්ල කෑ සැකකරු විරේක බෙහෙත් බී පොලිසියේ

මතුගම ප්‍රදේශයේ දී කාන්තාවකගේ ගෙළ බැඳි රන් මාලයක් පුද්ගලයෙකු විසින් ඊයේ (23) රාත්‍රියේ කොල්ල කා තිබෙනවා.

මීගහතැන්න ප්‍රදේශයේ පදිංචි කාන්තාවක් ඊයේ රාත්‍රියේ නිවසට යමින් සිටින අතර තුර ඇයගේ ගෙළ බැඳි රන් මාලය කොල්ල කා සැකකරු මෙලෙස පලාගොස් ඇති බවයි වාර්තා වුණේ.

එහිදී අසල සිටි පිරිස් කොල්ලකෑම සිදුකළ සැකකරු ලුහුබැඳ ගොස් අල්ලාගෙන ඇති අතර, එම අවස්ථාවේ දී සැකකරු විසින් කොල්ලකන ලද මාලය ගිලදමා ඇති බවයි වර්තා වන්නේ.

පසුව සැකකරු පොලිසිය වෙත භාරදීමට කටයුතු කර ඇති අතර, 32 හැවිරිදි වියේ පසුවන සැකකරුගේ උදරයේ ඇති රන් මාලය ලබාගැනීමට විරේක ඖෂධ ලබාදී මේ වනවිට මතුගම පොලිස් අත්අඩංගුවේ පසුවන බවයි අප වාර්තාකරු සඳහන් කළේ.