පෞරාණික වටිනාකමින් යුත් රන් බුදුපිළිම හා තවත් වටිනා පෞරාණික උපකරණ තොගයක් සමඟ විහාරාධිපති හිමි නමක් හා පුද්ගලයෙක් අද (11) දින අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ, නෙලුව පාර, 5 කණුව, පැලවත්ත ලිපනයේ පදිංචි 24 හැවිරිදි පුද්ගලයෙකු සහ එයට අනුබල දුන් යට්ටපාත, 7 කණුව, සදහම් ගඟුල විහාරස්ථානයේ 64 හැවිරිදි විහාරාධිපති හිමියන්ය බව මීගහතැන්න පොලිසිය පවසනවා.
මීගහතැන්න ලිහිණියාව කණිෂ්ඨ විද්යාලය අසළදී ලද තොරතුරුකට අනුව වැලිපැන්න පොලිස් විශේෂ කාර්ය බලකායේ නිලධාරින් එක්ව සිදු කළ වැටලීමකදී නෙලුව පාර, 7 කණුව, පැලවත්ත ලිපිනයේ පිහිටි ශ්රී සදහම් ගගුල විහාරස්ථානයේ සිට ප්රවාහනය කරමින් තිබූ පෞරාණික වටිනාකමකින් යුත් රන් බුදු පිළිමයක්, කිරිගරුඬ පිලිමයක්, රත්හදුන් පිලිමයක්,
ඇත්දල දෙකක්, ගල් පිලිමයක්, සෙනර වලිග 2ක් (කළු සුදු), කස්තුරි, පැරණි මුදල් නොට්ටු හා කාසි කිහිපයක් ජෝජ් රජුගේ රැව සහිත පීරිසි කොප්ප 1 ඇතුළු භාණ්ඩ කීපයක් ප්රවාහනය කළ යතුරුපැදීයද අත්අඩංගුවට ගෙන මීගහතැන්න පොලිස් ස්ථානය වෙත භාරදී තිබෙනවා.
මීගහතැන්න පොලිස් ස්ථානාධිපති තුමා ඇතුළු නිලධාරීන් වැඩිදුර පරීක්ෂණ මෙහෙයවන අතර හෙට (12)දින හිමිනම මතුගම මහේස්ත්රාත් අධිකරණය වෙත ඉදිරිපත් කිරිම නියමිතයි.
