මේ වනවිට විදේශගතව සිටින මහා පරිමාණ සංවිධානාත්මක අපරාධකරුවෙකු සහ මත්ද්රව්ය ජාවාරම්කරුවකු වන රන්පැටීගේ මෙරට මත්ද්රව්ය ජාලය මෙහෙය වන පුද්ගලයින් තිදෙනෙකු අයිස් මත්ද්රව්ය සමග පොලිස් විශේෂ කාර්ය බලකා නිලධාරීන්ගේ අත්අඩංගුවට පත් ව තිබෙනවා.
විශේෂ කාර්ය බලකාය දෙනියාය කඳවුර යටතේ පාලනය වන පුෂ්පාරාම උප කඳවුරේ නිලධාරීන් කණ්ඩායමක් විසින් ඊයේ (17) මිදිගම පොලිස් වසමේ ඉබිබාවල හන්දියේ දී වැටලීම් 03ක් සිදු කර මෙම සැකකරුවන් ව අත් අඩංගුවට ගැනුණා.
එහිදී සිදු කළ ප්රශ්න කිරීම්වල දී හෙළි ව ඇත්තේ රන්පැටී නමැති ජාවාරම්කරුගේ මත්ද්රව්ය ඉබ්බාවල ප්රදේශයේ පුරා බෙදා හරින්නේ මෙම සැකකරුවන් බවයි.
ඔවුන් ඉබ්බාවල ප්රදේශයේ පදිංචි වයස අවුරුදු 19, 21 සහ 44 ක් වන අය බවත් හෙළි ව තිබෙනවා.
සැකකරුවන් සන්තකයේ තිබී අයිස් මත්ද්රව්ය ග්රෑම් 07යි මිලි ග්රෑම් 780 ක් සහ ජංගම දූරකථන 02ක් ද සොයා ගැනුණා.
මිදිගම පොලිසිය විසින් වැඩිදුර මෙහෙයුම් සිදු කරනු ලබනවා.
