උතුරු මැද පළාත් පරිවාස හා ළමාරක්ෂක සේවා දෙපාර්තමේන්තුව යටතේ සහතික කළ කැකිරාව මඩාටුගම බාලිකා පාසලේ අද දින විශේෂ සිදුවීමක් සිදුවුණා.
ඒ මෙම බාලිකා පාසලේ හා යෙහෙළි බාලිකා පාසලේ බාලිකාවන් දෙදෙනෙකු විවාහ ගිවිස ගැනීමයි මෙය අති උත්සවාකාරයෙන් උතුරු මැද පළාත් ආණ්ඩුකාර මහීපාල හේරත් හතාගේ ප්‍රධානත්වයෙන් කැකිරාව මඩාටුගම බාලිකා සහතික කළ පාසලේ දී සිදුවුණා. මෙම විවාහ උත්සවය අනෙකුත් විවාහ උත්සව මෙන්ම සියලු චාරිත්‍ර වාරිත්‍ර වලින් පිරි මංගල්‍යයත් බව සඳහන් කළ යුතුයි. මේ සම්බන්ධව අදහස් දක්වමින් මෙහි පසල්පතිනිය වන චන්ද්‍රා සෙනවිරත්න මහත්මිය, පවසා සිටියේ මෙම බාලිකා පාසලට හා තවත් බාලිකා පාසලකට ඉල්ලීම් යොමු කොට තිබූ තරුණයන් දෙදෙනෙකුගේ ඉල්ලීම් පරිවාස කොමසාරිස් තුමියගේ විශේෂ අවධානය යොමු කොට පරිවාස නිලධාරීන් එක්ව දෙපාර්තුමේන්තුවක් සමග ගන්නා ලද තීරණ වලට අනුව සලකා බැලීමෙන් අනතුරුව පුද්ගලයන් දෙදෙනා මේ සඳහා සුදුසුකම් ලැබූ බවයි වැඩිදුරටත් පවසා සිටියේ .
මෙම බාලිකා පාසලේ මෙම දරුවන් දෙදෙනා මෙම පාසැල් වලින් පිටව යනු ලබන්නේ.වෘතීය මට්ටමේ පාඨමාලාද හදාරමින් බව කියා සිටිනවා. මෙම උත්සවය සදහා උතුරු මැද පළාත් ආණ්ඩුකාර මහීපාල හේරත් මහතා පරිවාස කොමසාරිස් T .S .C පෙරේරා මහත්මිය,පරිපාලන නිලධාරිණිය, ඇතුළු අනෙකුත් දෙපාර්තුමේන්තු කාර්යමණ්ඩල නිලධාරීන් එක්ව සිටියා
දඹුල්ල – චමින්ද කුමාර
