නොසැලකිලිමත් ලෙස සහ අනතුරුදායක ලෙස රිය පදවන රියදුරන්ට ස්ථානීය දඩ පත්‍රිකා නිකුත් කිරීම වෙනුවට ඔවුන් සෘජුවම අධිකරණය වෙත ඉදිරිපත් කිරීමට කටයුතු කරන ලෙස සියලුම පොලිස් රථවාහන නිලධාරීන්ට මේ වනවිට උපදෙස් නිකුත් කර ඇති බව රථවාහන පාලන හා මාර්ග ආරක්ෂාව දිසාව භාර නියෝජ්‍ය පොලිස්පති ඩබ්ලිව්.පී.ජේ. සේනාධීර පවසනවා.
දිවයින පුරා සිදුවන මාරක මාර්ග අනතුරු සංඛ්‍යාව ශීඝ්‍රයෙන් ඉහළ යාම සැලකිල්ලට ගනිමින් මෙම දැඩි පියවර ගෙන ඇති බවයි නියෝජ්‍ය පොලිස්පතිවරයා සඳහන් කළේ.
මෙම වසරේ ජනවාරි 01 සිට ජුනි 26 දක්වා කාලය තුළ මාරක රිය අනතුරු 1,292ක් වාර්තා වී ඇති අතර, එයින් ජීවිත 1,357ක් අහිමි වී ඇති බව පොලිසිය පවසන්නේ.
එම කාලය තුළම බරපතළ තුවාල සහිත අනතුරු 2,512ක් සහ සුළු අනතුරු 5,059ක් ද වාර්තා වී තිබෙනවා.
මෙම අනතුරුවලින් මියගිය අය අතර පදිකයින් 467ක් සහ යතුරුපැදිකරුවන් 465ක් වනවා.
අධික වේගය සහ නොසැලකිලිමත් ලෙස රිය පැදවීම මෙලෙස මාරක මාර්ග අනතුරු ඉහළ යාමට ප්‍රධානතම හේතු වී ඇති බවයි නියෝජ්‍ය පොලිස්පතිවරයා වැඩිදුරටත් සඳහන් කළේ.
හොරට ලයිශන් දෙන උන් ඉස්සෙල්ලම අල්ලගන්න ඕනේ. එළවන උන්ට විනයක් නෑ. ඊට පස්සේ දඩ ගහන්න ඔන්ලයින් ගෙවන්න දෙන්න එතකොට හරි …ඔය නීතිය හොඳයි පොලීසියට ජරාව කන්න නම්
පසුගිය කාලය පුරාවටම අපි දැක්කා පසුගිය කාලය පුරාවටම අපි දැක්කා පොලිසිය ම් වැරැද්දක් නැතුව රියදුරන්ට දඩ නියම කරන හැටි.
දඩ කොළයක්ද එසේ නැත්නම් උසාවියද කියන එක නොවෙයි කාරණේ.
වරද නිවැරදිව හඳුනාගෙන පොලිසිය සාධාරණ අයුරින් වරද නියම කළ යුතුයි.
Driver Demerit point system( ( රියදුරු අභිවෘද්ධිතා ලකුණු ක්‍රමය) පටන් ගන්නේ නැත්තේ ඇයි. ඒක පටන් ගත්තා නම් රියදුරන් ඉබේම විනයගරුක වේවි.
පොලීසියට පගාව ගන්න වැඩක් තමයි එකත්… පව් ඒ මිනිස්සුන්ගේ අම්මා තාත්තා ගෙ ඉඳලා බැණුම් අහනවා.