කිලෝග්රෑම් 04ක් බරැති රත්රන් බවට සැකකෙරෙන කුට්ටියක් කිලිනොච්චිය සිට වවුනියාව දක්වා මෝටර් රථයකින් ප්රවාහනය කරමින් සිටි තිදෙනෙකු ඊයේ (27) රාත්රියේ අත්අඩංගුවට ගෙන තිබෙනවා.
කාන්තාවන් දෙදෙනෙක් සහ පිරිමි පුද්ගලයෙක් මෙලෙස අත්අඩංගුවට ගත් බවයි කිලිනොච්චිය පොලිසිය සඳහන් කළේ.
අත්අඩංගුවට ගැනුණු රත්රන් කුට්ටිය සහ සැකකරුවන් කිලිනොච්චිය මහේස්ත්රාත් අධිකරණයට ඉදිරිපත් කළ බවයි පොලිසිය වැඩිදුරටත් පැවසුවේ.
සැකකරුවන් වවුනියාව ප්රදේශයේ පදිංචිකරුවන් වන අතර, රත්රන් කුට්ටිය සැබෑ රත්රන් කුට්ටියක් ද නැතහොත් රන් ආලේපිත කුට්ටියක් ද යන්න සම්බන්ධයෙන් පරීක්ෂා කිරීමට නියමිතයි.
සිද්ධිය සම්බන්ධයෙන් කිලිනොච්චිය පොලිසිය වැඩිදුර පරීක්ෂණ පවත්වනු ලබනවා.
