රත්මලාන දුම්රිය අංගනයේ වෙඩි තැබීමක් සිදුව තිබෙනවා.
අද (23) අලුයම මෙම වෙඩි තැබීම සිදු ව ඇති අතර වෙඩි තැබීමෙන් එක් අයෙකු තුවාල ලබා ඇති බවයි වාර්තා වන්නේ.
පොලිස් මාධ්ය කොට්ඨාසය නිවේදනය කළේ, දුම්රිය අංගනයට දේපොළ සොරකම් කිරීමට ඇතුළු වූ පුද්ගලයින් පස්දෙනෙකු එහි ආරක්ෂක රාජකාරී යෙදී සිටි දුම්රිය ආරක්ෂක නිලධාරියෙකුට පහර දී තුවාල සිදුකර ඇති බවයි.
එහිදී දුම්රිය ආරක්ෂක නිලධාරියෙකු විසින් සිය ආරක්ෂාව සඳහා මෙම සැකකරුවන්ට වෙඩි තැබීමක් සිදුකර තිබෙනවා.
එම වෙඩි තැබීමෙන් එක් සැකකරුවෙකු තුවාල ලබා ඇති අතර අනෙක් සැකකරුවන් පලා ගොස් ඇති බවයි පැවසෙන්නේ.
සැකකරුවන් පහරදීම හේතුවෙන් තුවාල ලැබූ දුම්රිය ආරක්ෂක නිලධාරියා සහ වෙඩි වැදීමෙන් තුවාල ලැබූ සැකකරු කළුබෝවිල රෝහලට ඇතුළත් කර තිබෙනවා.
මෙතෙක් කිසිවෙකුත් අත්අඩංගුවට නොමැති අතර සිද්ධිය සම්බන්ධයෙන් ගල්කිස්ස පොලිස් විමර්ශන ක්රියාත්මකයි.
කෝච්චි ඉස්ට්රැයික් කරයිද දන්නෑ.කොහෙන් ගියත් අපිට තමයි පාඩුව.