රත්නපුර, කැටලියන්පල්ල ප්රදේශයේ නිවසක් තුළ පුද්ගලයෙක්ට පහරදී ඝාතනය කර ඇති බව රත්නපුර පොලිසිය පවසනවා.
මෙලෙස ඝාතනයට ලක්ව ඇත්තේ කැටලියන්පල්ල, කහංගම, රත්නපුර ලිපිනයේ පදිංචිව සිටි 61 හැවිරිදි පුද්ගලයෙක්.
සිද්ධිය සම්බන්ධයෙන් සිදු කරන විමර්ශනවලදී අනාවරණය වී ඇත්තේ, ඝාතනයට ලක් වූ පුද්ගලයා පුටුවක තබා ගැටගසා, අලවංගුවකින් හිසට පහරදී ගෙල මිරිකා ඝාතනය කර ඇති බවයි.
අද (09) අළුයම් කාලයේදී මෙම ඝාතනය සිදුව ඇති බවයි වාර්තා වන්නේ.
ඝාතනය සම්බන්ධයෙන් අදාළ නිවසේ හිමිකාරියගේ සහෝදරයා වන පුද්ගලයෙක් සැකපිට පොලිස් අත්අඩංගුවට ගෙන තිබෙනවා.
මෙලෙස ඝාතනයට ලක්වූ පුද්ගලයා, නිවස බලා ගැනිමට පැමිණි අයෙක් බවට ද ආනාවරණය වී තිබෙනවා.
