රට වසා දැමීමට මේ මොහොතේදී කිසිම තීරණයක් ගෙන නොමැති බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි.
ඒ් මහතා පැවසුවේ රට තුළ කොවිඩ් පැතිරීම වැඩිවීම නිසා රට වසා දමන ලෙසට විවිධ අංශ වලින් හා පුද්ගලයින්ගෙන් සෞඛ්‍ය අමාත්‍යාංශයට ඉල්ලීම් ගණනාවක් ඉදිරිපත් වෙමින් ඇති බවයි.
රට වසා දැමීම මේ ප්‍රශ්නයට විසදුම නොවන බවත්, රට විවෘත කර තිබියදීම කොවිඩ් පාලනය කිරීම රජයේ අරමුණ බව වෛද්‍ය හේමන්ත හේරත් මහතා සදහන් කළේය.
රට තුළ මේ වන විට කොවිඩ් පැතිරීම වේගවත් වී ඇති බැවින් මහජනතාව ඉතා පරිස්සම් විය යුතු බවත්, නිසි සෞඛ්‍ය පුරුදු අනුගමනය කිරීම මෙන්ම එන්නත්කරණයට යොමු වන ලෙසට වෛද්‍යවරයා වැඩිදුරටත් ඉල්ලා සිටියේය.
