විදේශ සේවා නියුක්ති කාර්යාංශයේ ලියාපදිංචි නොවී, විදේශ රැකියාවල නිරත පුද්ගලයින්ට යළි ඒ සඳහා ලියාපදිංචි වීමට සහන කාලයක් ලබා දීමට විදේශ සේවා නියුක්ති කාර්යාංශය තීරණය කර ඇත.
ඒ අනුව නොවැම්බර් මස 15 දින සිට දෙසැම්බර් 14 දක්වා මාසයක කාලය තුළ පමණක් මෙලෙස ලියාපදිංචිවීමට අවස්ථාව හිමිවේ.
විදේශ සේවා නියුක්ති කාර්යාංශයේ ලියාපදිංචි නොවී ලොව ඕනෑම රටක විදේශ රැකියාවක නිරත වන ශ්‍රි ලාංකික ශ්‍රමිකයින් තමා සේවයේ නියුතු රටේ ශ්‍රි ලංකා තානාපති කාර්යාලයට පැමිණ වලංගු වීසා බලපත්‍රය සහ රැකියා ගිවිසුම හෝ පත්වීම් ලිපිය ඉදිරිපත් කර අදාළ ගාස්තුව ගෙවා ලියාපදිංචිය ලබාගත හැකිය.
රැකියා ගිවිසුම හෝ පත්වීම් ලිපිය නොමැති ශ්‍රමිකයින් හට තානාපති කාර්යාලයේදී ලබාදෙන ප්‍රකාශ පත්‍රය පුරවා ලියාපදිංචිය ලබාගත හැකිවේ.
ලියාපදිංචි විගමනික ශ්‍රමිකයින්ට හිමිවන සුබසාදන හා රක්ෂණ ප්‍රතිලාභ මෙම පිරිසටද හිමිකර දීමේ අරමුණෙන් මෙම විශේෂ සහන කාලය ප්‍රකාශයට පත්කිරීමට තීරණය කර ඇත.
Mana dimanada unta dimana thiya minissunta kakannadanawath salinethuwa mun thawa magadiyakin sallitikak hoyaganna balanawa mun mungena satha 5ka wishwasa karanna epa