Gen Z පරපුර සමාජයට ඇතුල් කර ගනිමින් රට ගොඩනැගීම වගකීම භාරගත හැකි පිරිසක් බවට පත් කිරීම තම අරමුණ බවත්, එවිට තමන්ට අවශ්ය සමාජය තමන්ටම නිර්මාණය කර ගැනීමට මෙරට තරුණ තරුණියන්ට අවස්ථාව උදාවන බවත් ජනාධිපති රනිල් වික්රමසිංහ පවසනවා.
ජනාධිපති රනිල් වික්රමසිංහ මහතා මේ බව සඳහන් කර සිටියේ ඊයේ (09) පස්වරුවේ කොළඹ ගාලුමුවදොර හෝටලයේ පැවති #AskRanil තරුණ හමුවේදී යොමු වූ ප්රශ්නවලට පිළිතුරු ලබා දෙමින්.
ලොව අනෙක් රටවල් මෙන් රටේ අනාගතය නිර්මාණය කර ගැනීමේ අවස්ථාව තරුණ පරපුරට ලබාදිය යුතු බවත්, ඒ වෙනුවෙන් වූ මාර්ගය තමා සකසා දෙන බවත් සඳහන් ජනපතිවරයා සඳහන් කළා.
මෙරට ආර්ථිකය ගොඩ නැගීමේදී අවශ්ය සැළසුම් පිළිබඳවත් තරුණ තරුණියන් සමග සාකච්ඡා කළ ජනපතිවරයා සඳහන් කර සිටියේ, කෙසේ හෝ මෙරට ආර්ථිකය ගොඩ නැගීමට අවශ්ය වැඩපිළිවෙල සකස් කරන බවයි.
බොරු සටන් පාඨ කියමින් සිදු කරන සාම්ප්රදායික දේශපාලනය හේතුවෙන් ලොව දියුණු රටවලට වඩා ඉදිරියෙන් සිටි අප රට පසුපසට ඇද වැටුණු බව ද ජනපතිවරයා කියා සිටියා.
