රට භයංකාර ආර්ථික අවදානමකට මුහුණ දෙන බවත්, මේ අවදානම සම්බන්ධයෙන් ජනතාව දැනුවත් නොකර අසත්ය සංඛ්යා ලේඛනවලින් ජනතාව රවටන ජනාධිපතිවරයා ප්රමුඛ රජයක් ඇති බවට විපක්ෂ නායකවරයා සජිත් ප්රේමදාස පවසනවා.
ලෝක සම්මත ආර්ථික මතය අනුව විදේශ සංචිත අවම ආනයන වටිනාකම මාස 03ක ප්රමාණය විය යුතු බවත් ජනාධිපතිවරයා කියන ආකාරයට රටට ඩොලර් බි 7ක් ඇති බව පැවසුවත් මසකට දළ වශයෙන් අමෙරිකානු ඩොලර් බිලියන 2ක් වැය වන බවත් මාස තුනට බිලියන 6ක් තිබිය යුතු බවත් රුපියල අවප්රමාණ වීම සහ ඉන්ධන මිල ඉහළ යාම නිසා මේ හැකියාව අඩුවන බවත් විපක්ෂ නායකවරයා පෙන්වා දෙනවා.
විපක්ෂ නායක සජිත් ප්රේමදාස, මේ බව කියා සිටියේ සමගි ජන බලවේග පක්ෂ මූලස්ථානයේ දී පැවැති සමාජ මාධ්ය ක්රියාකාරිකයන් සමග පැවැති හමුවකදීයි.
මේ බිලියන 7 ඇතුළත චීන යුආන් බිලියන 1.2ක් ඇති නමුත් එය භාවිත කළ නොහැකි බවත් භාවිත කළ හැක්කේ ඩොලර් බිලියන 5.8ක් බවත් තෙල් මිල ඉහළ යන මේ අවස්ථාවේ 2022 දී 95 පෙට්රල් මිල රු. 470ක් වන විට අද 410ක් වන නිසා මේ අගය වැඩි වුවහොත් බංකොලොත් විය හැකි බවත් විපක්ෂ නායකවරයා පවසනවා.
මෑතකාලයේ විදේශ ප්රේෂණ වැඩි වුවත් මැදපෙරදිග යුද්ධය නිසා ඒ කලාපයේ ඇතිවන ආර්ථික අස්ථාවරත්වය නිසා රැකියා අහිමි වීමෙන් එය අඩුවිය හැකි බවත් රජය මේවා පැහැදිලි නොකරන බවත් විපක්ෂ නායකවරයා පෙන්වා දෙනවා.
