රජයේ සේවකයින් හට තවත් වැටුප් වැඩිවීමක් මේ වසරේ ලබානොදෙන බව ජනාධිපති රනිල් වික්‍රමසිංහ පවසනවා.
ශ්‍රී ලංකාව ජනාධිපතිවරණයට සහ මහ මැතිවරණයට සූදානම් වන බැවින් එලෙස වැටුප් වැඩිවීමක් සිදු නොකරන බවයි ජනාධිපතිවරයා පැවසුවේ.
ජනාධිපති රනිල් වික්‍රමසිංහ මේ බව සඳහන් කළේ ඌව පළාත් පොලිස් කමිටු සාමාජිකයින් බලගැන්වීමේ උත්සවයට ඊයේ (06) වැල්ලවාය ප්‍රදේශයේ දී එක්වෙමින්.
රාජ්‍ය මූල්‍ය වගකීමේ අවශ්‍යතාවය මෙහිදී අවධාරණය කළ ජනාධිපතිවරයා, නිසි සැලසුමකින් තොරව තවදුරටත් වැටුප් වැඩිකිරීමෙන් රජය අඩපණ විය හැකි බවට අනතුරු ඇඟවා සිටියා.
වැටුප් ගැලපීම් සමාලෝචනය කිරීම සඳහා කමිටුවක් පිහිටුවන බව සඳහන් කළ ජනාධිපතිවරයා එහි නිර්දේශ 2025 අයවැයට ඇතුළත් කරන බව ද සඳහන් කළා.
පසුගිය ආර්ථික අර්බුදය හමුවේ රාජ්‍ය සේවක වැටුප් ගෙවීමට නොහැකි වූ අවස්ථාවේ ලක්ෂ 05කින් රාජ්‍ය සේවය කප්පාදු කරන ලෙස ඇතැමුන් පැවසුව ද තමා එලෙස නොකළ බවත්, වැට් බද්ද 18%කට ගෙන එමින් එම වැටුප් නිසි වේලාවට ලබාදීමට කටයුතු කළ බවත් පැවසූ ජනාධිපතිවරයා තවදුරටත් ජනතාව මත බදු බර පැටවිය නොහැකි බව ද අවධාරණය කර සිටියා.
ජේ වී පී එකට ඒක තේරුම් ගන්න තරම් මොලයක් නෑ.. උන්ට ඕනී බලය