රජයේ විධායක නිලධාරින්ට ලබාදෙන මාසික විධායක දීමනාව, තවත් රුපියල් 10,000කින් ඉහළ නැංවීමට රාජ්ය පරිපාලන ස්වදේශ කටයුතු හා පළාත් පාලන අමාත්යාංශය තීරණය කර තිබෙනවා.
ඒ අනුව, රුපියල් 15,000 ක් වූ ඔවුන්ගේ දීමනාව රුපියල් 25,000 ක් දක්වා ඉහළ දමා ඇති අතර, ලබන මස පළමුවැනිදා සිට නව සංශෝධනය ක්රියාත්මක කිරීමට නියමිතයි.
රජයේ විධායක නිලධාරින්ට ලබා දෙන මාසික විධායක දීමනාව රුපියල් 10,000කින් ඉහළ නැංවීමට අදාළ චක්රලේඛනය ද ඊයේ නිකුත් කෙරුණු අතර, ඒ අනුව, රුපියල් 15,000 ක් වූ ඔවුන්ගේ දීමනාව රුපියල් 25,000 ක් දක්වා ඉහළ යනු ඇති.
ඒ අනුව, ලබන මස පළමුවැනිදා සිට නව සංශෝධනය ක්රියාත්මක කෙරෙන බවයි එම චක්රලේඛයේ සඳහන් වන්නේ.
පසුගිය දින කිහිපය තුළ ගුරු විදුහල්පතිවරුන් සිය වැටුප් විෂමතා මුල් කර ගනිමින් විරෝධතාවක නිරත වුණා.
තම ආර්ථික ගැටලු සම්බන්ධයෙන් අවස්ථා ගණනක රජය දැනුවත් කළ ද, නිසි පිලිතුරු නොලැබීම හේතුවෙන් මෙම ක්රියාමාර්ග ගත් බවයි ගුරු විදුහල්පති සංගම් පවසන්නේ.
ඒ කෙසේ නමුත්, අද දිනයේ සිට පාසල් වල සාමාන්ය පරිදි රාජකාරි සිදු වන බව ගුරු විදුහල්පති වෘත්තීය සමිති පවසනවා.
ඒ අනුව, අ.පො.ස සාමාන්ය පෙළ විභාගයේ පිළිතුරු පත්ර ඇගයීමේ දෙවැනි අදියර ද අද දිනයේ සිට ආරම්භ කිරීමට කටයුතු කර තිබුණා.
විභාග දෙපාර්තමේන්තුව පැවසුවේ, අද සිට දින 10ක් තුළ එම අදියරේ ඇගයීම් සිදු කෙරෙන බවයි.
එසේම, සාමාන්ය පෙළ විභාගයේ පිළිතුරු පත්වලින් 80% ක් පමණ මේ වනවිට පරීක්ෂා කර අවසන් කර ඇති බව ද විභාග දෙපාර්තමේන්තුව වැඩිදුරටත් සඳහන් කර සිටියා.
ඒ අනුව, දිවයින පුරා පාසල්වල අද දිනයේ සුපුරුදු පරිදි කටයුතු සිදු කෙරෙන අයුරු දක්නට ලැබුණා.
මේ අතර, දිවයින පුරා ග්රාම නිලධාරීවරුන් අද දිනයේ ද සිය වෘත්තීය ක්රියාමාර්ගයේ නිරත වනවා.
පළමුව දින දෙකකට සීමා කර තිබූ මෙම විරෝධතාව එළැඹෙන තිස් වැනිදා දක්වා ක්රියාත්මක කරන බවත්, ග්රාම නිලධාරීන්ගේ අනුමත දීමනා මෙම වර්ෂය තුළ දී ලබාදීමට බලධාරීන් කටයුතු නොකළහොත් ඉදිරි මැතිවරණ සඳහා බලපෑමක් සිදුවිය හැකි බව සමස්ත ලංකා නිදහස් ග්රාම නිලධාරි සංගමය පවසනවා.
සිය ගැටලු සම්බන්ධයෙන් අද දින අග්රාමාත්යවරයා සමග විශේෂ සාකච්ඡාවක් පැවැත්වීමට නියමිත බවත්, එහිදී ඊට නිසි පියවර නොලැබුණහොත් රට පුරා ග්රාම සේවා වසම් දාහතර දහස් විසිදෙකක් තුළ සිටින 12500ක් පමණ වන ග්රාම නිලධාරීන් සියලුම දෙනා අඛණ්ඩ වැඩවර්ජනයක් සඳහා යොමුවන බව ද එම සංගමයේ ජාතික සංවිධායකව පවසා සිටියා.
