2025 වර්ෂය තුළ දී නාගරික සංවර්ධන, ඉදිකිරීම් සහ නිවාස අමාත්‍යාංශය විසින් අලුතින් හඳුන්වාදීමට අපේක්ෂිත පහත සඳහන් නීති සහ සංශෝධන හඳුන්වාදීමට අපේක්ෂිත දැනට බලාත්මක නීති රජයේ නීති සම්පාදන වැඩසටහන – 2025ට ඇතුළත් කිරීම පිණිස නාගරික සංවර්ධන, ඉදිකිරීම් සහ නිවාස අමාත්‍යවරයා විසින් ඉදිරිපත් කරන ලද යෝජනාව අමාත්‍ය මණ්ඩලය විසින් අනුමත කරනු ලැබුවා.
ඒ අනුව හඳුන්වා දීමට අපේක්ෂිත නව නීති;
- ජාතික පානීය ප්‍රජා ජල සංවර්ධන පනත
- ශ්‍රී ලංකා තථ්‍ය දේපළ වෘත්තිකයන්ගේ ආයතන පනත
- චීන ‑ ශ්‍රී ලංකා ඒකාබද්ධ පර්යේෂණ හා ආදර්ශන මධ්‍යස්ථානය නීතිගත කිරීම සඳහා වන පනත
- 2018 අංක 23 දරන බද්ධ නිවාස අයිතිවාසිකම් (විශේෂ විධිවිධාන) පනතේ විධිවිධාන ද ඇතුළත් කරමින් සහාධිපත්‍ය දේපළ සඳහා පහසුකම් සැලසීම පිණිස වන නව පනත
සංශෝධන හඳුන්වා දිය යුතු දැනට පවතින නීති;
- 2014 අංක 33 දරන ඉදිකිරීම් කර්මාන්ත සංවර්ධන පනත
- 1974 අංක 2 දරන ජාතික ජලසම්පාදන සහ ජලාපවහන මණ්ඩල පනත
- 1946 අංක 13 දරන නගර හා ග්‍රාම නිර්මාණ ආඥාපනත
- 1979 අංක 17 දරන ජාතික නිවාස සංවර්ධන අධිකාරිය පනත
- 2008 අංක 36 දරන නාගරික ජනාවාස සංවර්ධන අධිකාරිය පනත
- 1978 අංක 41 දරන නාගරික සංවර්ධන අධිකාරිය පනත
- 2021 අංක 13 දරන ශ්‍රී ලංකා ඉඩම් සංවර්ධනය කිරීමේ සංස්ථා (සංශෝධන) පනත
- 1973 අංක 11 දරන බද්ධ නිවාස අයිතිවාසිකම් පනත
- 1973 අංක 10 දරන පොදු පහසුකම් මණ්ඩල පනත
