මාදම්පේ – නාන්කඩවර ප්රදේශයේ පවත්වාගෙන ගිය ඌරු ගොවිපොළක් තහනම් කර මස් ගබඩා කර තිබූ අධි ශීතකරණ 03කට මුද්රා තැබීමට මහජන සෞඛ්ය පරීක්ෂකවරුන් කටයුතු කර තිබෙනවා.
දසත ප්රාදේශීය වාර්තාකරු පැවසුවේ; පොලිස් විශේෂ කාර්යාංශයේ මාදම්පේ ඒකකයට ලද තොරතුරක් අනුව මාදම්පේ සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂකවරුන් විසින් ඊයේ (16) මෙම වැටලීම සිදු කරන ලද බවයි.
වැටලීම සිදු කරන විටත් ගොවිපොළ තුළ ඌරන් 05 දෙනෙකු ඝාතනය කර මාංශ කරමින් සිට ඇති බවත් පැවසෙනවා.
ඊට අමතරව ඝාතනය කරන ලද හෝ මියගිය ඌරන්ගේ මස් විශාල ප්රමාණයක් ගබඩා කර තිබූ අධි ශීතකරණ 03කට මුද්රා තැබීමට ද මහජන සෞඛ්ය පරීක්ෂකවරුන් කටයුතු කර ඇති බවයි පැවසෙන්නේ.
ඌරන් ඝාතනය කරමින් සිටි සැකකරුවන් තිදෙනෙකුට සහ සත්ත්ව ගොවිපොළේ හිමිකාරියට එරෙහිව හලාවත මහේස්ත්රාත් අධිකරණයේ නඩු පැවරීමට ද මහජන සෞඛ්ය පරීක්ෂකවරුන් කටයුතු කර තිබෙනවා.
මිනිස් පරිභෝජනය සදහා ඌරන් ඝාතනය කිරීම රජය විසින් මේ වන විට තහනම් කර ඇත්තේ අප්රිකානු සූකර උණ පැතිරෙමින් පවතින පසුබිමක් නිසාවෙන්.
එබැවින් නීතිවිරෝධීව සිදු කෙරුණු මෙම මාංශ ජාවාරම සම්බන්ධයෙන් ඉදිරිමය පියවර ගැනීමටත් බහාලුම්වල පුරවා තිබූ සූකර මාංශ ගිනි තබා විනාශ කිරීමට ද කටයුතු යොදා තිබෙනවා.
