ප්‍රවීණ රංගන ශිල්පනී සුසන්තා චන්ද්‍රමාලි මහත්මියගේ දේහය පිළිබඳ අවසන් කටයුතු අද (03) කඩුවෙල කොතලාවල පිහිටි ඇයගේ නිවසේ දී සිදු කෙරුණා.
කඩුවෙල – කොතලාවල ගැමුණු පුර පිහිටි කනත්තේ දී ඇයගේ දේහය ආදාහනය කළේ ඇයට ආදරය කළ පවුලේ සාමාජිකයින් සහ හිතවතුන් සියල්ල හඬවමින්.
මෙම අවස්ථාවට කලා තරු රැසක් ද එක් ව සිටියා.
වර්ෂ 1964 පෙබරවාරි මස 21 වැනි දින ඇය හම්බන්තොට දී උපත ලැබුවා.
1986 දී පුංචි තිරයට පිවිසෙන සුසන්තා චන්ද්‍රමාලි මහත්මිය මෙරට වේදිකා නාට්‍යය මෙන් ම ටෙලි නාට්‍යයවලින් ද රසිකයින්ගේ ගෞරවාදරයට පාත්‍ර වූ තැනැත්තියක්.
1990 දී කුමරු ලියනගේ සමග අතිනත ගත් ඈ තරුණ පරපුරේ සුප්‍රසිද්ධි නිළියක වන තිසුරි යුවනිකාගේ ආදරණීය මව යි.
පිළිකා රෝගයකින් කලක් පීඩා විඳි සුසන්තා චන්ද්‍රමාලි මහත්මිය අභාවප්‍රාප්ත වන විට 61 හැවිරිදි වියෙහි පසුවුණා.
‘කන්දෙ ගෙදර, අහස්, අනන්ත, අයෝමි, ගිරිකුළ, හිමවරුසා’ වැනි ජනප්‍රිය ගණයේ ටෙලි නාට්‍යයවල ප්‍රධාන චරිත පවා හෙබවූ කලා පෞරුෂයෙන් හෙබි නිළියක් වූවා.
