හිටපු ජනපති මහින්ද රාජපක්ෂගේ පුත් යෝෂිත රාජපක්ෂ අල්ලස් කොමිසම විසින් අද (17) පෙරවරුවේ අත්අඩංගුවට ගනු ලැබුවා.
ඒ ප්රකාශකයක් ලබා දීම සඳහා ඔහු අල්ලස් කොමිසමට පැමිණි අවස්ථාවේ දී යි.
මේ අතර යෝෂිත රාජපක්ෂ අත්අඩංගුවට ගැනීම සම්බන්ධව අල්ලස් හෝ දූෂණ චෝදනා විමර්ශන කොමිෂන් සභාව විසින් නිවේදනයක් නිකුත් කර තිබෙනවා.
2006 වර්ෂයේ දී ශ්රී ලංකා නාවික හමුදාවේ විධායක අංශය සඳහා ශිෂ්ය භට නිලධාරීන් බඳවා ගැනීමේ දී, බඳවා ගැනීම් සඳහා නියමිත සුදුසුකම් සපුරා නොමැතිව, විධායක අංශයේ ශිෂ්ය හට නිලධාරියෙකු වශයෙන් බැඳීම සහ එතෙක් පැවති ක්රම වේදයට පරිබාහිරව බ්රිතාන්ය රාජකීය නාවික විද්යාලයේ පුහුණු පාඨමාලාවක් සඳහා රජයේ මුදල් වැය කර සහභාගීවීමට අවස්ථාව සලසා ගැනීම තුළින් දූෂණ වරදට ආධාර අනුබල දීම යන චෝදනාව මත නාවික හමුදාවේ හිටපු නාවික හමුදා නිලධාරියෙක් වූ යෝෂිත කණිෂ්ක රාජපක්ෂව අද පෙරවරුවේ අත්අඩංගුවට ගත් බව එම නිවේදනයේ සඳහන් වුණා.
අත්අඩංගුවට ගන්නා ලද සැකකරු කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිත බවයි අල්ලස් කොමිසම විසින් නිකුත් කර තිබෙන එම නිවේදනයේ වැඩිදුරටත් සඳහන්ව ඇත්තේ.
