යේමනයට ආසන්න මුහුදේ බෝට්ටුවක් පෙරළීමෙන් සංක්රමණිකයන් 68 දෙනෙක් මියගොස් තිබෙනවා.
ඒඩන් බොක්කේ දී පුද්ගලයින් 154 දෙනෙකු රැගත් බෝට්ටුවක් මෙලෙස පෙරළී ගොස් ඇති බවයි විදෙස් මාධ්ය වාර්තා කළේ.
මෙම සිද්ධියෙන් තවත් 74 දෙනෙකු අතුරුදහන් වී ඇති බවයි වාර්තා වන්නේ.
ජාත්යන්තර සංක්රමණ සංවිධානය (IOM) ට අනුව මෙම අනතුරින් 12 දෙනෙකු දිවි ගලවා ගෙන තිබෙනවා.
මියගිය අයගෙන් 54 දෙනෙකුගේ සිරුරු ඛාන්ෆාර් දිස්ත්රික්කයේ වෙරළ තීරයේ තිබී හමුව ඇති අතර,තවත් මළ සිරුරු 14ක් අබියන් පළාතේ පරිපාලන මධ්යස්ථානය වන සින්ජිබාර් හි රෝහලේ මෘත ශරීරාගාරයට ගෙන ගොස් ඇති බවයි වාර්තා වුණේ.
ලෝකයේ භයානකම සංක්රමණික මුහුදු මාර්ගවලින් එකක් ලෙස යේමනය ආසන්න මුහුදු මාර්ගය හැදින්වෙනවා.
