යුරෝපය පූර්ව යුධ යුගයකට අවතීර්ණ වී ඇති බව පෝලන්ත අගමැති ඩොනල්ඩ් ටස්ක් පවසනවා.
රුසියාව විසින් යුක්රේනය පරාජය කළහොත් යුරෝපයේ සියලු ජනතාව ආරක්ෂිත නොවන බවයි අනතුරු ඇඟවීමක් සිදු කරමින් ඔහු විදෙස් මාධ්‍ය වෙත පවසා ඇත්තේ.
යුරෝපීය කවුන්සිලයේ හිටපු සභාපතිවරයෙකු වන පෝලන්ත අගමැතිවරයා පැවසුවේ රුසියානු ජනාධිපති ව්ලැඩිමීර් පුටින් කිසිදු සාක්ෂියකින් තොරව මොස්කව්හි ක්‍රොකස් නගර ශාලාවට එල්ල වූ ප්‍රහාරය සම්බන්ධයෙන් දැනටමත් යුක්රේනයට දොස් පවරා ඇති බවයි.
මෙම සතිය ආරම්භයේදීම රුසියාව ප්‍රථම වරට දිවා කාලයේ දී හයිපර්සොනික් මිසයිල වලින් කියෙව් අගනුවර වෙත ප්‍රහාර එල්ල කළ බවද පෝලන්ත අග්‍රාමාත්‍යවරයා විදෙස් මාධ්‍ය වෙත පවසා තිබුණා.
එමෙන්ම පසුගිය වසර අවසානයේ පෝලන්ත අගමැති ලෙස නැවත බලයට පැමිණීමෙන් පසු ඩොනල්ඩ් ටස්ක් සිය පළමු විදේශීය සම්මුඛ සාකච්ඡාව භාවිතා කළේ සිය රටේ ආරක්ෂාව ශක්තිමත් කිරීම සඳහා වැඩි යමක් කරන ලෙස යුරෝපයේ නායකයින්ට සෘජු ආයාචනයක් ඉදිරිපත් කිරීමටයි.
