තම යුද ප්‍රහාර මාලාව නොනවත්වා අඛණ්ඩ ව සිදු කරගෙන යන බව ඊශ්‍රායලය ඉරානයට අනතුරු අඟවා තිබෙනවා.
විදෙස් මාධ්‍ය වාර්තා කළේ ඉරානයේ උත්තරීතර නායක අයිතුල්ලා කමේනිට අනතුරු අඟවමින් ඊශ්‍රායලය පවසා ඇත්තේ තම පූර්ණ බලය මෙම ප්‍රහාරවලට යොදවන බවයි.
බැලස්ටික් මිසයිල ගුවන් ප්‍රහාරක සයිරන් නිකුත් කිරීමත් සමඟ ඉරානයෙන් නව වෙඩි ප්‍රහාරයක් එල්ල වූ බව ඊශ්‍රායලය වාර්තා කළා.
මෙම නව ඉරාන ප්‍රහාරයට පෙර, ඊශ්‍රායලය කියා සිටියේ තමන් ඉරාන ප්‍රහාරක ජෙට් යානා 15 ක් සහ ප්‍රහාරක හෙලිකොප්ටර් යානා විනාශ කළ බවයි.
ඉරාන න්‍යෂ්ටික මධ්‍යස්ථාන තුනක් ලෙස සැලකෙන ෆෝර්ඩෝ, නටාන්ස් සහ ඉස්ෆහාන් ඉලක්ක කර ගනිමින් ‘මධ්‍යම රාත්‍රියේ හැමර් මෙහෙයුම’ සිදු කිරීමෙන් පසු අමෙරිකා එක්සත් ජනපදය ඉරාන – ඊශ්‍රායල් ගැටුමට අවතීර්ණ වුණා.
ඉරානය පැවසුවේ එක්සත් ජනපද ප්‍රහාරවලින් පසුව තමන්ව ආරක්ෂා කර ගැනීම සඳහා “සියලු විකල්ප වෙන් කර ඇති” බවයි.
ටෙහෙරානය එක්සත් ජාතීන්ගේ ආරක්ෂක මණ්ඩලයේ හදිසි රැස්වීමක් ද ඉල්ලා සිටියා.
එක්සත් ජනපද ප්‍රහාරයට ඉරානයේ ප්‍රතිචාරය ලෝකය බලා සිටින අතරතුර, ටෙහෙරානය සහ ටෙල් අවිව් දිගටම වෙඩි තැබීම් සහ ප්‍රහාර හුවමාරු කර ගත් බව ද විදෙස් මාධ්‍ය වාර්තා කළා.
අමෙරිකාවේ ප්‍රහාරයට ප්‍රතිචාර වශයෙන් ඉරානය ඊශ්‍රායලයට එරෙහි ව මිසයිල ප්‍රහාර මාලාවක් දියත් කළ අතර, පුද්ගලයින් 23 දෙනෙකු පමණ තුවාල ලැබුවා.
පලිගැනීමක් ලෙස ඊශ්‍රායලය ඉරානයට එරෙහිව ගුවන් ප්‍රහාර මාලාවක් ද දියත් කළ අතර හමුදා ඒකක ඉලක්ක කළ බව IDF ප්‍රකාශ කළා.
