යුක්‍රේනයේ සිටි ජ්‍යේෂ්ඨතම ගුවන් නියමුවා මරුට

යුක්‍රේන – රුසියානු යුද ගැටුම් මධ්‍යයේ යුක්‍රේනයට තවත් අවාසිදායක ඉරණමකට මුහුණදීමට සිදු ව තිබෙනවා.

ඒ එරට ගුවන් හමුදාවේ සිටි ජ්‍යේෂ්ඨතම සහ දක්ෂතම ගුවන් නියමුවා ජීවිතක්ෂයට පත්වීමයි.

එම ගුවන් නියමුවා එක්සත් ජනපදයේ නිෂ්පාදිත F-16 ප්‍රහාරක ජෙට් යානයක ප්‍රධාන ගුවන් නියමුවා වශයෙන් කටයුතු කර තිබෙනවා.

CNN පුවත් සේවය වාර්තා කරන්නේ; මෙම ගුවන් නියමුවා ගමන් ගත් ජෙට් යානය කඩා වැටී ඇති අතර; එහිදී ඔහු පිළිස්සුම් තුවාල ලබා ජීව්තක්ෂයට පත්ව ඇති බවයි.

කෙසේවෙතත් යුක්රේන ආරක්ෂක හමුදා මෙම සිද්ධිය පිටුපස නියමුවාගේ වරදක් සිදු වූ බව විශ්වාස නොකරන බවට ද වාර්තාවනවා.

යුක්රේනයට එරෙහිව රුසියාව විසින් එල්ල කරන ලද “විශාලතම ගුවන් ප්‍රහාරය මැඩපැවැත්වීම” අතරතුරදී Oleksiy Mes (Moonfish – සිය සමකාලීනයන් ඔහුව හඳුන්වා ඇත්තේ මෙනමිනි) නමැති මෙම ගුවන් නියමුවා ඊයේ (29) ජීවිතක්ෂයට පත් වූ බවයි වාර්තා වූයේ.

ලුතිතන් කර්නල් මෙස් යුක්රේන F-16 වැඩසටහනේ පළමු ගුවන් නියමුවෙකු වූ අතර යුක්රේන ගුවන් හමුදාවේ හොඳම ගුවන් නියමුවන්ගෙන් කෙනෙකු ලෙස සැලකෙනවා.