රුසියාව විසින් එල්ල කරන ලද ප්‍රහාරයකින් පුද්ගලයින් තිදෙනකු ජීවිතක්ෂයට පත් ව තිබෙනවා.
බීබීසී පුවත් සේවය පවසන්නේ ඊයේ (03) අලුයම යුක්‍රේනයේ බටහිර කොටසට ද දැවැන්ත මිසයිල ප්‍රහාරයක් එල්ල වූ අතර ඉන් පුද්ගලයින් 47 දෙනෙකු මියගිය බවයි.
අද (04) එල්ල වූ මෙම ප්‍රහාරයෙන් පුද්ගලයින් 07 දෙනෙකු ඉලක්ක කරගෙන සිදු ව ඇති අතර, එහිදී තිදෙනකු මියගොස් තිබෙනවා.
යුක්‍රේනයේ බටහිර නගරයක් වන ලිවිව්හි දී මෙම ප්‍රහාරය එල්ල වී ඇති බවයි වාර්තා වන්නේ.
ලිවිව්හි නගරාධිපති Andriy Sadovy පැවසුවේ අද අලුයම රුසියාව ඩ්‍රෝන යානා සහ හයිපර්සොනික් මිසයිලවලින් එම ප්‍රහාර එල්ල කළ බවයි.
මියගිය අය අතර වයස අවුරුදු 09 සහ 14 හැවිරිදි ළමයින් දෙදෙනෙකු මෙන්ම නගරයේ වින්නඹු මාතාවක් ලෙස සේවය කරන කාන්තාවක් ද සිටි බව බලධාරීන් පවසනවා.
රුසියානු මිසයිල ඉලක්ක කර ගුවන් ආරක්ෂක ප්‍රහාර එල්ල කරද්දී කියෙව් අගනුවරට ඉහළින් පිපිරුම් හඬක් ද ඇසුණු බවයි විදෙස් මාධ්‍ය වාර්තා කරන්නේ.
මේ අතර Kryvyy Rih නගරයේ හෝටලයකට පහරදීමෙන් ඒ ආසන්නයේ පිහිටි නිවෙස්වලට ද හානි වී; පුද්ගලයින් පස් දෙනෙකු මියගොස් ඇති බව සඳහන්.
යුක්‍රේන හමුදාව ප්‍රකාශ කරන්නේ සමස්ත රටටම ගුවන් අනතුරු ඇඟවීමක් ප්‍රකාශයට පත් කර ඇති බවයි.
