යුක්‍රේනයට රුසියාවෙන් තවත් දැවැන්ත මිසයිල ප්‍රහාරයක් එල්ල වී තිබෙනවා.
රොයිටර්ස් පුවත් සේවය වාර්තා කළේ; මෙම ප්‍රහාරය 2024 වසරේ දී එල්ල වූ ප්‍රහාරවලින් ප්‍රබල බවයි.
මෙම මිසයිල ප්‍රහාරයෙන් පුද්ගලයින් 47 දෙනෙකු ජීවිතක්ෂයට පත් ව තිබෙනවා.
අද (03) දිනයේ දී මෙම ප්‍රහාරය මධ්‍යම යුක්‍රේනයේ පොල්ටාවා හමුදා මධ්‍යස්ථානයකට එල්ල වී ඇති බවයි වාර්තා වන්නේ.
ප්‍රහාරයෙන් පුද්ගලයින් 47 දෙනෙකු මියගියා සේ ම තවත් 206 දෙනෙකු බරපතළ තුවාල ලබා තිබෙනවා.
යුක්‍රේන ජනාධිපති සෙලෙන්ස්කි පැවසුවේ මෙම වසරේ රුසියාවෙන් එල්ල වූ දරුණුතම ප්‍රහාරයන්ගෙන් එකක් ලෙස මෙය සැලකිය හැකි බවටයි.
