ගත වූ පැය 24 තුළ දිවයින පුරා සිදුකළ යුක්තිය මෙහෙයුම් වලින් අපරාධකරුවන් 818ක් අත්අඩංගුවට ගෙන තිබෙනවා.
එලෙස අත්අඩංගුවට ගැනුණු සැකකරුවන් අතරට මත්ද්රව්ය වැරදි සම්බන්ධ සැකකරුවන් 554ක් සහ අපරාධ අංශ වෙත යොමුකළ ලැයිස්තුවේ සිටි සැකකරුවන් 264ක් ඇතුළත්.
මත්ද්රව්ය වැරදි සම්බන්ධ අත්අඩංගුවට ගත් සැකකරුවන් 554 දෙනා අතරින් එක් සැකකරුවෙක් රැදවුම් නියෝග මත වැඩිදුර විමර්ශන සිදුකරන අතර, මත්ද්රව්යවලට ඇබ්බැහිවූවන් 0 ක් පුනරුත්ථාපානය සඳහා යොමු කර ඇති බවයි පොලිසිය පැවසුවේ.
මේ අතර පොලිස් මත්ද්රව්ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 10ක් ද මෙලෙස අත්අඩංගුවට ගැනුණු සැකකරුවන් අතරට අයත්.
එමෙන්ම අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 264 දෙනා අතරින් මත්ද්රව්ය වැරදි සම්බන්ධව විවෘත වරෙන්තු නිකුත්ව සිටින සැකකරුවන් 25ක් සහ මත්ද්රව්ය නොවන වැරදි සම්බන්ධව විවෘත වරෙන්තුකරුවන් 231ක් ද ඇතුළත්.
ඇඟිලි සටහන් මාධ්යයෙන් හදුනාගෙන අත්අඩංගුවට ගෙන නොමැතිව සිටි සැකකරුවන් 05ක් සහ අපරාධවලට අවශ්ය කරන සැකකරුවන් 03ක් ද ගත වූ පැය 24 තුළ සිදුකළ මෙම මෙහෙයුම් වලදී අත්අඩංගුවට තිබෙනවා.
එමෙන්ම හෙරොයින් ග්රෑම් 159ක්, අයිස් ග්රෑම් 112ක්, ගංජා කිලෝග්රෑම් 08ක්, ගංජා පැල 4,933ක්, මාවා ග්රෑම් 235ක්, මදන මෝදක ග්රෑම් 88ක් සහ මත්පෙති 329ක් මෙම මෙහෙයුමේ දී අත්අඩංගුවට ගත් බවයි පොලිසිය වැඩිදුරටත් පැවසුවේ.
