යුක්තිය මෙහෙයුම අඛණ්ඩව, උතුර – නැගෙනහිරට හදිසි ඇමතුම් අංකයක්

යාපනය සහ කන්කසන්තුරය පොලිස් කොට්ඨාස වලට අයත් ප්‍රජා පොලිස් කමිටු දැනුවත් කිරීමේ වැඩසටහනක් අද (17)දින යාපනයේදී පැවැත් වුණා.

එම අවස්ථාව සදහා ප්‍රධාන ආරාධිතයන් වශයෙන් මහජන ආරක්ෂක අමාත්‍ය ටිරාන් අලස් ,අමාත්‍යංශ ලේකම් වියානි ගුණතිලක සහ පොලිස්පති දේශබන්දු තෙන්නකෝන් සහභාගී වුණා.

එහිදී අමාත්‍ය ටිරාන් අලස් පැවසුවේ අපාරාධ අවම කිරීම සදහා තවදුරටත් යුක්තිය මෙහෙයුම ක්‍රියාත්මක කරන බවයි.

එමෙන්ම උතුරු ,නැගෙනහිර ප්‍රදේශවල ද්‍රවිඩ ජනතාව මුලික කර ගනිමින් පැය 24 පුරාම ක්‍රියාත්මක 107 හදිසි ඇමතුම් අංකය ඔස්සේ ලැබෙන පැමිණිලි සහ අපරාධ පිළිබද තොරතුරු නිසි ආකාරයෙන් විමර්ශනය කළ යුතු බවත් අමාත්‍යවරයා මෙහිදී සදහන් කළා.