යාපනය කෝපායි ප්රදේශයේදී පුද්ගලයෙකු කපා කොටා ඝාතනය කර ඇතැයි පොලිසිය පවසනවා.
මෙලෙස ඝාතනයට ලක්වී ඇත්තේ යතුරුපැදි අළුත්වැඩියා කිරීමේ සේවා ස්ථානයක් පවත්වාගෙන ගිය පුද්ගලයෙකු බවටයි පොලිසිය හඳුනාගෙන ඇත්තේ.
තියුණු ආයුධවලින් සන්නද්ධ පුද්ගලයින් පිරිසක් මිය ගිය පුද්ගලයා ලුහු බැඳ ගොස් ප්රහාර එල්ල කර ඝාතනය සිදුකර ඇති බවද පොලිසිය කරුණු අනාවරණ කරගෙන තිබෙනවා.
මියගොස් ඇත්තේ කෝපායි ප්රදේශයේම පදිංචි එක්දරු පියෙකු වන අතර මුහුණු ආවරණ පැළඳ යතුරුපැදිවලින් පැමිණි පුද්ගලයින් තිදෙනකු විසින් අදාළ පුද්ගලයාට පහරදී ඝාතනය කිරීමෙන් අනතුරුව පළා ගොස් තිබෙනවා.
පොලිසිය සඳහන් කළේ මෙම පුද්ගලයා සේවය නිමවී පස්වරුවේ නිවසට පැමිණෙමින් සිටියදී පුද්ගලයෙකු සමග ආරවුලක් ඇතිකරගෙන ඇති බවයි.
පසුව ඔහු නිවසට පැමිණ සිටියදී පිරිසක් පැමිණ නිවැසියන් බියගන්වා පළවා හැර ඝාතනය සිදුකර ඇති බව ද සඳහන්.
මහේස්ත්රාත් පරීක්ෂණයෙන් අනතුරුව මෘත ශරීරය යාපනය රෝහලේ තැන්පත් කර තිබෙනවා.
සැකකරුවන් කිසිවෙකුත් අනාවරණ වී නොමැති අතර සිද්ධිය සම්බන්ධයෙන් කෝපායි පොලිසිය වැඩිදුර පරීක්ෂණ සිදුකරනවා.
