විරෝධතාවක් සම්බන්ධයෙන් සාකච්ඡාවක් කිරීම සඳහා යාපනයට ගිය අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු වසන්ත මුදලිගේ ඇතුලු පිරිසට ජනතාවගෙන් විරෝධයක් එල්ල වී තිබෙනවා.
“යාපනයට අරගල එපා” වහාම යාපනයෙන් පිටත්වන ලෙසට ඉල්ලමින් ඊයේ (25) දින සාමාන්‍ය වැසියන් පිරිසක් විරෝධතාවක නිරත වූ බවයි අප වාර්තාකරුවන් කියාසිටියේ.
ත්‍රස්තවාදි පනත වහාම ඉවත්කරන ලෙසට රජයට බලකරමින් පැවත්වීමට නියමිත විරෝධතාවක් පිළිබඳව වසන්ත මුදලිගේ ඇතුලු පිරිස යාපනයේ විශ්වවිද්‍යාල ශිෂ්‍ය සංගම් සහ ස්වේචඡා සංවිධාන නියෝජිතයින් සමග යාපනය රිම්මර් මණ්පයේදී සාකච්ඡාවක නිරත වන අවස්ථාවේදී මෙම විරෝධතාව පැවත්වුණා.
යාපනය රිම්මර් මණ්ඩපය අසලට සාමාන්‍ය වැසියන් විශාල පරිසක් විරෝධතා පාගමනකින් පැමිණ ප්‍රකාශ කළේ කොළඹ සිට පැමිණි අන්තර විශ්වවිද්‍යාල ශිෂ්‍ය බලමණ්ඩලයේ සියලු සාමාජිකයින්ට වහාම සාකච්ඡා නවත්වා යාපනයෙන් පිටත් වන ලෙසටයි.
එහිදී විරෝධතාවයේ නිරතවූවන් වැඩිදුරටත් පවසා සිටියේ, උතුරේ අතුරුදහන් වූවන්ගේ ගැටලුව, දේශපාලන සිරකරුවන් නිදහස් නොකිරීම, ඉඩම් ගැටලුවලට කිසිදු විසඳුමක් නොලැබුන ද යාපනයේ මෙන්ම උතුරේ ජනතාවට අරගලයන් හෝ ප්‍රචණ්ඩත්වයන් අවශ්‍ය නොවන බවටයි.
උතුරේ ජනතාව අතර නැවත ප්‍රචණ්ඩත්වයක් ඇති නොකර වහාම යාපනයෙන් පිටත්වන ලෙසට ප්‍රකාශ කරමින් ඔවුන් විරෝධතාවයේ නිරත වූ බව සඳහන්.
යාපනයට පැමිණි වසන්ත මුදලිගේ ඇතුලු ක්‍රියාකාරීන් පිරිස අදාළ සාකච්ඡාව කඩිනමින් අවසන් කිරීමට පියවර ගෙන තිබූ බව සඳහන්.
විරෝධතාවයට කුඩා පිරිසක් සහභාගි වී ඇත්තේ Douglas devansnda පක්ෂ සුලු පිරිසක් බවට මාධ්‍ය වාර්තාවල සදහන්…