මියන්මාරයට බලපෑ යාගි සුළි කුණාටුවෙන් මියගිය පුද්ගලයින්ගේ සංඛ්යාව 220 කට වඩා වැඩි බව එරට බලධාරීන් පවසනවා.
තවත් පුද්ගලයින් 80 කට ආසන්න පිරිසක් තවමත් අතුරුදහන් වී ඇති බවයි වාර්තා වන්නේ.
යාගි කුණාටුව පසුගිය සතියේ උතුරු වියට්නාමය, ලාඕසය, තායිලන්තය සහ මියන්මාරය හරහා හමා ගිය අතර, නිල සංඛ්යාලේඛනවලට අනුව කලාපය පුරා පුද්ගලයින් 500 කට වැඩි පිරිසක් මිය ගොස් තිබෙනවා.
මෙම සුළි කුණාටුව හේතුවෙන් මියන්මාරයේ වගාවන් අක්කර ලක්ෂ ගණනක් වී ඇති අතර, ඊට අමතරව මිලියන පහකට වැඩි පිරිසකට ආහාර, පිරිසිදු පානීය ජලය, නවාතැන් සපායා ගැනීම අර්බුදයක් වී තිබෙනවා.
එක්සත් ජාතීන්ගේ ආපදා ප්රතිචාර ඒජන්සිය පවසන්නේ, අවහිර වූ මාර්ග, හානියට පත් පාලම් සහ විසන්ධි වූ සන්නිවේදන මාර්ග හේතුවෙන් අවතැන් වී සිටින පුද්ගලයින්ට සහන කටයුතුවලට දැඩි බාධාඑල්ල වී ඇති බවයි.
මේ අතර මියන්මාර පාලක ජුන්ටාව පසුගිය සති අන්තයේ කළ ඉල්ලීමකට අනුව අසල්වැසි ඉන්දියාව ආහාර, ඇඳුම් පැළඳුම් සහ ඖෂධ ඇතුළු ආධාර රැසක් පරිත්යාග කර තිබෙනවා.
මියන්මාර ඉතිහාසයේ ඇති වූ දරුණුතම ස්වභාවික ව්යසන තත්ත්වය මෙය බවයි එක්සත් ජාතීන්ගේ සංවිධානය පවසන්නේ.
යාගි සුළි කුණාටුව හේතුවෙන් තායිලන්තයේ මරණ 10ක් සහ ලාඕසයෙන් එක් මරණයක් ද සිදුව තිබෙනවා.
ඊට අමතරව වියට්නාමයේ මරණ 292ක් සිදුව ඇති අතර, 38 දෙනෙක් අතුරුදහනව ඇති බව සඳහන්.
