සිය ගිණුම්වලට මුදල් ලැබී ඇති බව පවසමින් මෙරට ප්රධාන පෙළේ රාජ්යය බැංකුවක ගනුදෙනුකරුවන්ට ව්යාජ කෙටි පණිවුඩය යැවූ බව කියන සැකකාර පුද්ගලයකු මැයි මස 5 දින දක්වා රක්ෂිත බන්ධනාගාරගත කරන ලෙස කොළඹ ප්රධාන මහේස්ත්රාත් තනුජා ලක්මාලි මහත්මිය අද (28) නියෝග කළා.
අපරාධ පරීක්ෂණ දෙපාර්තමේන්තුවේ පරිගණක අපරාධ කොට්ඨාසය මගින් අත්අඩංගුවට ගෙන අධිකරණය වෙත ඉදිරිපත් කළ වන්නකු වඩුගේ තෙනුක සචින්ත නමැත්තෙකු එසේ රක්ෂිත බන්ධනාගාර ගත කෙරුණු බවයි දසත අධිකරණ වාර්තාකාරිණිය පැවසුවේ.
එම රාජ්ය බැංකු මූලස්ථානයේ තාක්ෂණික කළමනාකාරවරයා 2022 වර්ෂයේ කරන ලද පැමිණිල්ලක් අනුව සිදුකළ දීර්ඝ විමර්ශනයකින් අනතුරුව සැකකාර පුද්ගලයා අත්අඩංගුවට ගත් බව ද විමර්ශන නිලධාරීහු අධිකරණයට දැන්වූවා.
එම රාජ්ය බැංකුවට අයත් ගම්පහ ශාඛාවේ ගනුදෙනුකරුවන් කිහිප දෙනෙකුට එවැනි කෙටි පණිවිඩ කිහිපයක් ලැබී ඇති නමුත් එම ගිණුම්වලට මුදල් ලැබී නොමැති බව ද එම නිලධාරින් අධිකරණයට දැනුම්දුන්නා.
එම සිද්ධියෙන් අනතුරුව එම බැංකු මූලස්ථානයේ තාක්ෂණික කළමනාකාරවරයා පැමිණිල්ල කළ බව ද විමර්ශන නිලධාරිහු අධිකරණයට දන්නා සිටියා.
අදාළ බැංකුවේ පරිගණක පද්ධතියට ඇතුල්වී එම කෙටි පණිවුඩ යොමු කරන පුද්ගලයා කවුද යන්න පිළිබඳව දීර්ඝ ලෙස විමර්ශනය කළ බවත් ඒ අනුව එම සැකකාර පුද්ගලයා හඳුනාගෙන අත්අඩංගුවට ගත් බව ද එම නිලධාරීන් අධිකරණය හමුවේ පැවසුවා.
සැකකාර පුද්ගලයා සිංගප්පූරුවේ වෙසෙන ශ්රී ලාංකිකයකු බවත් පරිගණක දත්ත පද්ධතියක් හරහා ඔහු එම කෙටි පණිවුඩ යවා ඇතිි නමුත් කිසිදු ගනුදෙනුකරුවෙකුගේ ගිණුම්වලින් මුදල් ලබාගෙන වංචා කර නොමැති බව ද විමර්ශන නිලධාරීහු අධිකරණයට දැනුම්දුන්නා.
සිද්ධියට අදාළ ප්රගති වාර්තාවක් අධිකරණයට ඉදිරිපත් කරන ලෙස නියෝග එම නිලධාරීන්ට නියෝග කළ මහේස්ත්රාත්වරිය සැකකාර පුද්ගලයා එසේ රක්ෂිත බන්ධනාගාරගත කළා.
සිංගප්පුරුවේ ඉන්න තව කෙනෙක් නන් තාම අල්ල ගන්ට බැරි වෙලා තියෙනව ලොකුම බැංකු හොරා