2024 යල කන්නයේ වන්දි ගෙවීම්වලින් 90%ක් මේ වනවිට අවසන් කර ඇති බව කෘෂිකාර්මික හා ගොවිජන රක්ෂණ මණ්ඩලය සඳහන් කරනවා.
ඒ, අනුව වන්දි මුදල් නිර්දේශිත වූ ගොවීන්ට හිමි මුදල් ඔවුන්ගේ ගිණුම්වලට බැර කිරීමට පියවර ගෙන තිබෙනවා.
මේ වනවිට ගොවීන් 6,459 දෙනෙකු සඳහා අක්කර 5,246ක් වෙනුවෙන් රුපියල් මිලියන 100ක මුදලක් නිදහස් කර ඇති බවයි එම මණ්ඩලය පැවසුවේ.
වගා හානි නිර්දේශිත වීමෙන් පසු වන්දි මුදල් ගිණුම් ගත නොවූ ගොවීන් සිටී නම් ඒ පිළිබඳව අභියාචනා කිරීමට ඔවුන්ට අවස්ථාව පවතිනවා.
එමෙන්ම වන්දි ගෙවා අවසන් නොකළ දිස්ත්රික්වල වන්දි මුදල් කඩිනමින් නිදහස් කිරීමට කටයුතු කරන බව ද කෘෂිකාර්මික හා ගොවිජන රක්ෂණ මණ්ඩලය වැඩිදුරටත් පැවසුවා.
