යල කන්නයේ වී වගා කරන ගොවි ජනතාවගේ නිෂ්පාදන වියදම් අවම කිරීමේ අරමුණින් ඔවුන්ට අවශ්‍ය රසායනික හෝ කාබනික පොහොර මිලදී ගැනීම සඳහා අවශ්‍ය මුල්‍ය ප්‍රතිපාදන සහනාධාර වචුචරයක් වශයෙන් ලබාදීමට රජය තීරණය කළා.
ඒ, අනුව මෙම වැඩසටහන යටතේ වී වගා කරන හෙක්ටයාරයකට රුපියල් 20,000ක් හා හෙක්ටයාර් දෙකක් සඳහා රුපියල් 40,000ක් වශයෙන් සහනාධාර මුදලක් ලබා දීමට නියමිතය.
ජනාධිපති රනිල් වික්‍රමසිංහගේ අනුමැතිය පරිදි ගොවීන් 650,000ක් සඳහා එම මුල්‍ය ප්‍රතිපාදන ලබා දීමට පියවර ගන්නා බවයි කෘෂිකර්ම අමාත්‍යංශය සඳහන් කළේ.
එමෙන්ම ගොවි ජනතාවගේ කැමැත්ත පරිදි රජයේ පොහොර සමාගම් දෙක සපයන රසායනික හෝ කාබනික පොහොර සියලුම ගොවිජන සේවා මධ්‍යස්ථානවලින් ද, පුද්ගලික අංශය මඟින් ද මෙම වවුචර්පත්වලින් මිල දී ගැනීමේ හැකියාව පවතිනවා
