යල කන්නයේ වී අස්වනු මිලදී ගැනීම අද (27) දිනයේ සිට ආරම්භ වනවා.
ඒ, අනුව වී මිලදී ගැනීම සඳහා අමාත්‍ය මණ්ඩල අනුමැතිය ද හිමිව ඇති බවයි වාර්තා වුණේ.
වී අස්වනු මිලදී ගැනීමේ පළමු අදියර සඳහා රුපියල් මිලියන 500ක් වෙන්කර තිබෙනවා.
ඒ, අනුව හඳුනා ගත් ප්‍රදේශවල වී ගබඩා අද (27) සිට විවෘත කර, වී අලෙවි මණ්ඩලය හරහා වී මිලදී ගැනීමට පියවර ගන්නා බවයි කෘෂිකර්ම අමාත්‍ය මහින්ද අමරවීර සඳහන් කළේ.
මෙහිදී කීරි සම්බා වී කිලෝග්‍රෑම් එකක් රුපියල් 130ක මිලකට මිලදී ගන්නා අතර,සම්බා වී කිලෝග්‍රෑමයක් සඳහා රුපියල් 115ක මිලක් නියමකර තිබෙනවා.
එමෙන්ම යල කන්නයේ නාඩු වී කිලෝග්‍රෑම් එකක් රුපියල් 105 බැගින් මිලදී ගැනීමටයි කැබිනට් අනුමැතිය හිමිව ඇත්තේ.
මේ අතර, පොහොර සහානාධාරය රුපියල් 15,000 සිට 25,000 දක්වා වැඩි කිරීමට ද අමාත්‍ය මණ්ඩලයේ අනුමැතිය හිමිව තිබෙනවා.
