මඟ හැරුණු ජංගම දුරකථන ඇමතුමකින් ඇතිකරගත් ප්‍රේම සම්බන්දතාවයක් මත පහළොස් හැවිරිදි බාලවයස්කාර දැරියකගේ නිවසට පැමිණ එම දැරිවිය දූෂණය කිරිමේ සිද්ධියට සම්බන්ධ පෙම්වතා අත්අඩංගුවට ගැනිම සදහා පුළුල් පරික්ෂණයක් ආරම්භකොට ඇති බව යක්කලමුල්ල පොලිසිය පවසයි.
මෙලෙස දූෂණයට ලක්ව තිබුණේ යක්කලමුල්ල ඇල්ලඉහල, එනසාල්වත්ත ප්‍රදේශයේ පදිංචි අවුරුදු පහළොවක් වූ පාසල් දැරියකි.
මීට වසරකට පමණ ඉහතදී ඇයට ලැබුණු මිස් කෝල් එකක් මඟින් මෙම සැකකාර පෙම්වතා පාසල් දැරිය සමඟ ප්‍රේම සම්බන්දතාවයක් ගොඩනගා ගෙන ඇත. පෙම්වතා අකුරැස්ස බංගම ප්‍රදේශයේ පදිංචිකරුවෙකි.
දැරියගේ මව් පියන් දෙදෙනාම කුලි වැඩකරණ අය වන අතර ඔවුන් කුලි වැඩවලට ගොස් සිටින අතරේ සැකකාර පෙම්වතා දැරියගේ නිවසට දින දෙකක් පැමිණ ඇති බව පොලිස් පරික්ෂණවලදි අනාවරණය වි ඇත.
එලෙස පැමිණි අවස්ථාවේ මෙම සැකකාර පෙම්වතා විසින් පාසල් දැරියව දුෂණයට ලක්කොට ඇත.
අතවරයට ලක්වූ දැරිය අධිකරණ වෛද්‍යවරයා වෙත යොමුකිරිමෙන් පසු දුෂණයට ලක්කොට ඇති බව තහවුරුවි ඇත. සැකකරු අත්අඩංගුවට ගැනිම සදහා යක්කලමුල්ල පොලිසිය පරික්ෂණ පවත්වයි.
ගාල්ල – ලලිත් චාමින්ද
