භාරතීය ජනතා පක්ෂය ප්රමුඛ ප්රජාතන්ත්රවාදී සන්ධානය ඉන්දීය මහ මැතිවරණයෙන් විශ්ෂ්ඨ ජයක් ලැබීමෙන් පසු පිටපිට තෙවැනි වරටත් අග්රාමාත්යවරයා ලෙස නරේන්ද්ර මෝදි ලබන සෙනසුරාදා දිවුරුම් දීමට නියමිත බව වාර්තා වනවා.
මේ අතර යළිත් වරක් ඉන්දියාවේ පාලන බලය හිමිකරගත් නරේන්ද්ර මෝදි ඉන්දීය ජනාධිපතිනී ද්රෞපදී මුර්මු හමු වී සාකච්ඡා පැවැත්වීමට නවදිල්ලි නුවර රාෂ්ට්රපතිභවන් වෙතය ගොස් ඇති බවයි වාර්තා වන්නේ.
දින 44ක් පුරා අදියර 07ක් යටතේ පැවැති ඉන්දීය මහ මැතිවරණයේ අවසන් ප්රතිඵල ඊයේ නිකුත් වූ අතර, එහිදී මෝදිගේ භාරතීය ජනතා පක්ෂය ආසන 240ක් හිමිකර ගත්තා.
මේ අතර ශ්රී ලංකා ජනාධිපති රනිල් වික්රමසිංහ විසින් භාරතීය ජනතා පක්ෂය ප්රමුඛ සන්ධානයේ ජයග්රහණයට සුබපැතුම් එක්කර තිබෙනවා.
එහිදී ජනාධිපතිවරයා සඳහන් කර ඇත්තේ ඉන්දීය අග්රාමාත්ය නරේන්ද්ර මෝදිගේ නායකත්වය පිළිබඳව එරට ජනතාව තුළ ඇති විශ්වාසය පිළිබඳව මෙමගින් මනාව තහවුරු වන බවයි.
එමෙන්ම ශ්රී ලංකාව සහ ඉන්දියාව අතර ඇති සබඳතාවයන් ශක්තිමත් ලෙස අඛණ්ඩව පවත්වාගෙන යන බව ද එමගින් ජනාධිපතිවරයා සඳහන් කර තිබෙනවා.
