ලොව විශාලතම මැතිවරණය ලෙස සැලකෙන ඉන්දීය මහ මැතිවරණයේ ඡන්දය ගණන් කිරීම මේ වනවිට අවසන් අදියරේ පසුවනවා.
ඉන්දීය මාධ්‍ය වාර්තා කරන්නේ මහ මැතිවරණයේ බහුතර ජයක් අග්‍රාමාත්‍ය නරේන්ද්‍ර මෝදිගේ භාරතීය ජනතා පක්ෂය විසින් හිමිකරගෙන ඇති බවයි.
ඉන්දීය පාර්ලිමේන්තුව හෙවත් ලොක් සභාවේ ආසන 543ක් පවතින අතර, එහි ආසන 272ක් ලබාගන්නා පක්ෂයට බහුතර බලය පිහිටුවීමට හැකියාව ලැබෙනවා.
ඉන්දියාවෙන් වාර්තා වන තොරතුරුවලට අනුව මේ වනවිටත් භාරතීය ජනතා පක්ෂය පාර්ලිමේන්තුවේ ආසන 293ක් ජයග්‍රහණය කිරීමට සමත්ව සිටිනවා.
එරට ප්‍රධානම විපක්ෂ දේශපාලන කණ්ඩායම වන කොග්‍රස් පක්ෂය අයත් ‘ඉන්දියා’ විපක්ෂ සන්ධානය මේ වනවිට නිකුත් වී ඇති ප්‍රතිඵල අනුව දිනාගෙන ඇත්තේ ආසන 225ක් පමණයි.
