එක්සත් ජනපද ජනාධිපති ඩොනල්ඩ් ට්රම්ප් සමග සඳුදා දුරකථන සංවාදයක නිතර වූ බව ඉන්දීය අග්රාමාත්ය නරේන්ද්ර මෝදි සිය X ගිණුමේ සටහනක් තබමින් පවසනවා.
පසුගිය සතියේ ට්රම්ප්ගේ පදවි ප්රාප්තියෙන් පසු නායකයින් දෙදෙනා අතර පළමු සංවාදය මෙයයි.
“අපි අන්යෝන්ය වශයෙන් ප්රයෝජනවත් සහ විශ්වාසදායක හවුල්කාරිත්වයක් සඳහා කැප වී සිටිමු” යනුවෙන් මෝදි එම සටහනේ ප්රකාශ කර ඇති අතර, ඔහුගේ ඓතිහාසික දෙවන ධුර කාලය සඳහා තම “ආදරණීය මිතුරා” වෙත සුබපැතුම් ද පිරිනමන බව පැවසුවා.
“අපගේ ජනතාවගේ සුබසාධනය සහ ගෝලීය සාමය, සමෘද්ධිය සහ ආරක්ෂාව සඳහා අපි එකට වැඩ කරන්නෙමු,” මෝදි පවසනවා.
ඉන්දියානු සහ එක්සත් ජනපද රාජ්ය තාන්ත්රිකයින් පෙබරවාරි මස මුල දී නායකයින් දෙදෙනාගේ රැස්වීමක් සංවිධානය කිරීමට උත්සාහ කරමින් සිටින බව රොයිටර්ස් පුවත් සේවය පසුගිය සතියේ වාර්තා කර තිබුණා.
