හොරණ මහරගම ප්‍රධාන මාර්ගයේ මොරගහහේන හොරගස් හන්දිය ප්‍රදේශයේදී සිදුවූ මෝටර් රථ අනතුරකින් පුද්ගලයෙකු මියගොස් තිබෙනවා.
මෝටර් රථය ලොරි රථයක මුහුණට මුහුණ ගැටීමෙනුයි අද පස්වරුවේ මෙම අනතුර සිදුවී ඇත්තේ.
මියගොස් ඇත්තේ මෝටර් රථයේ ගමන් කළ රියදුරා බව සඳහන්.
තවත් වාහන කිහිපයක් පසු කර යාමට උත්සාහ කිරීමේදී මෝටර් රථය ඉදිරියෙන් පැමිණි ලොරියේ ගැටී තිබෙනවා.
බරපතල තුවාල ලැබූ රියදුරා හොරණ මූලික රෝහලට ඇතුලත් කිරීමේදී මියගොස් ඇති බවයි වාර්තා වන්නේ.
මියගොස් ඇත්තේ ජලජ ජීවී වගා සංවර්ධන අධිකාරියේ කළමනාකරණ සහකාරවරයෙකු ලෙසට කටයුතු කළ 39 හැවිරිදි පුද්ගලයෙක්.
ඔහු සේවය කරන ආයතනයේ සුහද හමුවකට පෝරුවදණ්ඩ ප්‍රදේශයේ හෝටලයකදී සහභාගි වී අනතුරුව මොරගහහේන ප්‍රදේශයේ පැල තවානකට ගොස් පැළ වර්ග කීපයක් මිලදී ගෙන යළි නිවස කරා පැමිණෙමින් සිටියදී අනතුර සිදුවී තිබෙනවා.
අනතුරින් මෝටර් රථයට ද බරපතල අලාභ සිදු වී තිබෙනවා.
ලොරි රියදුරු අත්අඩංගුවට ගෙන ඇති අතර හොරණ මහේස්ත්‍රාත් අධිකරණය වෙත ඉදිරිපත් කිරීමට නියමිතයි.
අනතුර සම්බන්ධයෙන් මොරගහහේන පොලිසිය පරීක්ෂණ සිදු කරනවා.
