ඊශ්රායලය වෙනුවෙන් ඔත්තු බැලීමේ චෝදනාවට වරදකරු වූ මොසාඩ් ඔත්තුකරුවෙකුට මරණ දඬුවමට ලක් කර ඇති බව ඉරාන අධිකරණ ප්රවෘත්ති ආයතනයක් වන මිසාන් ඔන්ලයින් වාර්තා කරනවා.
අපරාධ ක්රියා පටිපාටියේ සම්පූර්ණ ක්රියාවලිය හරහා ගොස් ශ්රේෂ්ඨාධිකරණය විසින් ඔහුගේ දඬුවම තහවුරු කිරීමෙන් පසු අද (22) උදෑසන එල්ලා මරා දමා ඇති බවයි වාර්තා වන්නේ.
මොසායිබි නැමැති පුද්ගලයෙක් මෙලෙස එල්ලා මරා දමා ඇති අතර, ඔහු ඊශ්රායලයේ මොසාඩ් බුද්ධි ඒජන්සියට “සංවේදී තොරතුරු” ලබාදීමට උත්සාහ කළ බවයි අනවරණය වී ඇත්තේ.
ඊශ්රායලය සමඟ දශක ගණනාවක් තිස්සේ පැවති සෙවනැලි යුද්ධයකට හසු වූ ඉරානය, මොසාඩ් සමඟ ඇති බවට චෝදනා ලැබූ පුද්ගලයින්, විශේෂයෙන් එහි න්යෂ්ටික වැඩසටහන අඩපණ කිරීම අරමුණු කරගත් කඩාකප්පල්කාරී හා ඝාතන උත්සාහයන් සම්බන්ධයෙන් චෝදනා ලැබූ අයව මරණ දඬුවමට ලක් කර තිබෙනවා.
මේ අතර ජුනි 13 වන දින ඊශ්රායලය ප්රහාරයෙන් පසු ඉරාන බලධාරීන්, ඊශ්රායලය වෙනුවෙන් ඔත්තු බැලූ බවට සැක කෙරෙන පුද්ගලයින් කිහිප දෙනෙකු අත්අඩංගුවට ගෙන ඇති බවයි වාර්තා වන්නේ.
මට හිතෙන්නෙ මේක බොරුවක්..ඒහේ සිටින ඔත්තු සපයන්නන්නව බයකරන්න …ඒකනේ අනිත් අය අත් අඩංගුවේ කියන්නෙ.😁😁😁