නියෝජ්ය කථානායක තනතුර සඳහා පසුගිය බ්රහස්පතින්දා (05) යළි තේරී පත් වූ රංජිත් සියඹලාපිටිය ඊයේ (06) දිනයේ දී එම ධුරයෙන් ඉල්ලා අස් වුණා.
මෙම සිදුවීම සම්බන්ධයෙන් මේ වනවිට සමාජයේ දැඩි කතා බහක් මතුව ඇති මොහොතක ශ්රී ලංකා හිටපු ක්රිකට් නායක මහේල ජයවර්ධන ට්විටර් පණිවුඩය නිකුත්කර තිබෙනවා.
නියෝජ්ය කථානායක ධුරය සම්බන්ධයෙන් කනස්සල්ල පළකරමින් මහේල විසින් මෙම ට්විටර් පණිවුඩය නිකුත්කර තිබීම විශේෂත්වයක්.
“මේක විහිළුවක්ද? වත්මන් අර්බුදකාරී තත්ත්වය තුළ පාර්ලිමේන්තුවේ නියෝජ්ය කථානායකවරයා දෙවරක්ම ඉල්ලා අස්වීම කාලය සහ මුදල් නාස්ති කිරීමක්” බවයි ඔහු පවසන්නේ.
පාර්ලිමේන්තුවේ සිටින සියලු දෙනා ඉල්ලා අස් වී නිවසට වී සිටින ලෙසට මහේල එහි වැඩිදුරටත් දක්වා තිබෙනවා.
ඉන්දීය ප්රිමියර් ලීග් තරගවලියේ මුම්බායි ඉන්දියන්ස් කණ්ඩායමේ ප්රධාන පුහුණුකරු ධුරයේ කටයුතු කරමින් මහේල මේ වන විට ඉන්දියාවේ රැඳී සිටිනවා.
