පසුගිය නොවැම්බර් 21 වැනිදා ආරම්භ වූ 2025 – 2026 අළු බඳුන තරගාවලිය අදින් අවසන් වුණා.
ඒ මෙවර තරගාවලිය සඳහා සත්කාරකත්වය සැපයූ ඔස්ට්‍රේලියාවට තරග 04- 01ක් ලෙස ජය හිමිකර දෙමින්.
තරගාවලිය පුරාවටම සිය ආධිපත්‍ය පතුරවා ගත් ඔස්ට්‍රේලියාව පළමු තරග තුනම ජය ගැනීමත් සමඟ වේලාසනම තරගාවලියේ ජය තම රට ඉදිරියෙන් ලියා ගනු ලැබුවා.
කෙසේ වෙතත් සිව්වන තරගය එංගලන්තය ජය ගැනීමත් සමඟ බෙන්ස් ස්ටොක් ප්‍රමුඛ එංගලන්තය සිය ප්‍රතිවාදීන්ගේ රටේ දී සේදී යාමට තිබූ සිය මව්බිමේ ගෞරවය යම් තාක් දුරකට හෝ රැක ගත් බව ක්‍රිකට් විචාරකයන්ගේ මතය වුණා.
සිව්වන තරගයේ පරාජයත් සමඟ බිඳ වැටුණු ජයග්‍රාහී මානසිකත්වය නැවත ඇතිකර ගැනීමේ අරමුණ ඇතිව පිටියට පිවිසි ඕල්ස්ට්‍රෙලියව එම තරගයද විශිෂ්ඨ අන්දමින් ජය ගැනීමට සමත් වූණා,.
පස්වන තරගයේ කාසිය වාසිය ජයගත් එංගලන්තය පළමුවෙන් පන්දුවට පහර දීම තෝරාගත් අතර ඒ අනුව ඔවුන් පළමු ඉනිම සඳහා ලකුණු 384ක් රැස්‌කර ගනු ලැබුවා.
ඊට පිළිතුරු ඉනිම ලෙස ඔස්ට්‍රේලියාව පළමු ඉනිම සඳහා ලකුණු 567ක් රැස්‌කර ගත්තා.
අනතුරුව ලකුණු 183ක් පිටුපසින් සිය දෙවැනි ඉනිම ඇරඹු එංගලන්තයට දෙවැනි ඉනිමෙදි සඳහා ද ලකුණු 342ක් රස කර ගනු ලැබුවා.
ඒ අනුව ලකුණු 159 ක ජයග්‍රාහී ඉලක්කයක් වෙනුවෙන් පිටියට පිවිසි ඔස්ට්‍රේලියාව එම ඉලක්කය සාර්ථකව හඹායමින් තරගාවලිය 4 – 1ක් ලෙස ජය ගැනීමට සමත් වුණා.
තරගාවලිය පුරාවටම එංගලන්ත පිතිකරුන් අසරණ කළ ඕස්ට්‍රේලියාවේ වමත් වේග පන්දු යවන ක්‍රීඩක මිචෙල් ස්ටාක් මෙම තරගයේ ද කඩුලු 07ක් බිඳ හෙළුවේ සමස්ත තරගවලියේ වැඩිම කඩුලු කභිය බවට්ග්හ් පත් වෙමින්.
ඒ අනුව තරගාවලිය පුරාවටම සමස්ත කඩුලු 31ක් දවා ගනිමින් සහ කණ්ඩායමට අවශ්‍ය වූ අර්ධ ශතක දෙකක් රැස්‌කරමින් ඕස්ට්‍රේලියාවට තරගාවලි ජයග්‍රහණය සඳහා පාර කැපූ මිචෙල් ස්ටාක් තරගාවලි වීරයා බවට පත් වුණා.
එමෙන්ම ඔස්ට්‍රේලියාව බිහිකළ විශිෂ්ඨ ආරම්භක පිතිකරුවෙක් වූ උස්මාන් කවාජා මෙම තරගාවලියෙන් පසු සිය ටෙස්ට් තරග දිවියට සමු දුන්නා.
