තංගල්ල කොට්ඨාස අපරාධ විමර්ශන කාර්යංශයේ නිලධාරීන් හට ලද තොරතුරක් මත තිස්සමහාරාම පොලිස් වසමේ සාම ගුලිය වැව අසල වගා ඉඩමක වැටලීමක් සිදු කර එහි වාඩියක් තුළ තිබී මෙරට නිෂ්පාදිත ගිනි අවි 02 ක්, ටී.56 පතරොම් 11 ක්, එම්.16 පතරොම් 03 ක් හා එම්.පී.එම්.ජී පතරොම් 03 ක් සමඟ සැකකරුවෙක් අත්අඩංගුවට ගෙන තිස්සමහාරාම පොලිස් ස්ථානයට ඉදිරිපත්කර තිබෙනවා.
අත්අඩංගුවට ගත් සැකකරු වයස අවුරුදු 37 ක් වන කාවන්තිස්සපුර, තිස්සමහාරාම ප්රදේශයේ පදිංචි හිටපු යුධ හමුදා සෙබලෙකු බවයි වාර්තා වන්නේ.
තිස්සමහාරාම පොලිස් ස්ථානය විසින් වැඩිදුර විමර්ශන සිදු කරනු ලබනවා.
